රෝහල් අයිතිකාරයෙකුත් කොරෝනාට පරදී – වෛද්‍ය නෙවිල් ප්‍රනාන්දු සමුගනී

කොරෝනා අසාදනය වී මියගිය මෙරට දෙවන වෛද්‍යවරයා ලෙස වෛද්‍ය නෙවිල් ප්‍රනාන්දු මහතා ඊයේ (04) පස්වරුවේ මියගොස් තිබෙනවා.

ඒ IDH රෝහලේ ප්‍රතිකාර ලබමින් සිටියදී.

නෙවිල් ප්‍රනාන්දු මහතා මෙරට කීර්තිමත් පුරවැසියෙකු වන අතර ඒ මහතා රටේ වැඩි අවධානයට ලක්වන්නේ SAITAM ගැටලුව සමගයි.

මාලඹේ නෙවිල් ප්‍රනාන්දු රෝහල ඒ මහතා විසින් ඉදිකරන ලද්දක්.

පානදුර කේතුමතී රෝහල ඔහු විසින් නිර්මාණය කර තිබෙනවා.

රෝහල් මෙන්ම පාසල් ද නිර්මාණය කර ඇති නෙවිල් ප්‍රනාන්දු මහතා පානදුර රාජකීය විද්‍යාලය සහ පානදුර අගමැති බාලිකා විද්‍යාලය ඉදිකිරීම සඳහා පුරෝගාමී වුණා.

වාර්තා වන අන්දමට ඒ මහතාගේ ප්‍රිය බ්රිද ද මේ වන විට කොරෝනා අසාදනය වී IDH රෝහලේම ප්‍රතිකාර ලබනවා.

About The Author