නීතිය හා සාමය රැකිය යුත්තේ අරගලකරුවන්ට බාධාවක් නොවන ලෙස බවත් කියයි
ජනාධිපති ගෝඨාභය රාජපක්ෂ සහ අගමැති රනිල් වික්‍රමසිංහ ඇතුළු ආණ්ඩුව ඉවත් විය යුතු බව පවසමින් පැවැත්වෙන දැවැන්ත ජනතා විරෝධය සඳහා සියල්ල සූදානම්ව ඇති වටපිටාවක එක්සත් ජාතික පක්ෂය විසින් මාධ්‍ය නිවේදනයක් නිකුත් කර තිබෙනවා.
පක්ෂයේ නියෝජ්‍ය නායක රුවන් විජයවර්ධන මහතා විසින් මෙම මාධ්‍ය නිවේදනය නිකුත් කර ඇති අතර එහි දක්වා තිබෙන්නේ හෙට දිනයේ පැවැත්වෙන අරගලයට එක්සත් ජාතික පක්ෂයේ ද සහය හිමි වන බවයි.
කෙසේ වෙතත් ක්සත් ජාතික පක්ෂ නායක රනිල් වික්‍රමසිංහ මහතා අගමැති ධුරය භාර ගනිමින් රටේ පවතින සැබෑ තත්ත්වය ජනතාවට හෙළි කළ අයුරු ද මෙම නිවේදනය මගින් පෙන්වා දී ඇති අතර එම අපහසු කාල සීමාව දැන් පසු කරමින් සිටින බවද එහි සඳහන්.
විරෝධතාවය සාමකාමී වනු ඇති බව තම පක්ෂය විශ්වාස කරන බවත් විරෝධතාකරුවන්ගේ මූලික අයිතිවාසිකම් ආරක්ෂා වන අයුරින් ආරක්ෂක අංශ කටයුතු කළ යුතු බවත් එම නිවේදනයේ වැඩිදුරටත් සඳහන් කර තිබෙනවා.
About The Author
අත නොහැර කියවන තැන
ඉරාන්ලා හර්ෂලා බුද්ධිමත් මෝඩයෝ – අනුරගේ එක කෝමද ඒකට අපේ ලොක්කගේ එක ඇහුන ගමන් ඩෝපර්ලා නටනවා – සජබ අවුල දිගටම පුපුරයි
සජිත්ගේ වේදිකාව ළඟ ඇවිලෙයි – එක හරක් පැටියෙක් අරන් ගොම දාගන්න එපා කියා රෝහිණී සැර වෙයි
1999 ජවිපේ ජනාධිපති අපේක්ෂක මාධ්‍ය හමුවක – ප්‍රේමකීර්ති ඝාතනයත් ජවිපේ ගිණුමට එක්කරයි – රටට වූ හානියට වරද පිළිගනී