2022 දෙසැම්බර් 1

Mee Massoo.lk

Sri Lanka No 01 Famous Sinhala News Portal – "පුවත් සොයා ඉගිලෙන ප්‍රවෘත්තිකාර කම"

මුතු කුඩෙන් විෂ නසමු.

සම ආශ්‍රිත ප්‍රතිකාර සඳහා මුතු ඇට කුඩු කොට භාවිත කිරීම ලොව පුරා ජනප්‍රිය ක්‍රමයක් බවට පත් ව තිබේ. මෙම ප්‍රතිකර්මය කළ එළි පැමිණියේ අද ඊයේක නොවේ. දැනට වසර ගණනාවකට පෙර සිට චීන රාජ්‍යය තුළ මෙන් ම ඉන්දීය ආයුර්වේදීය ක්‍රමයේ ද මෙය භාවිත වී ඇත. එකල විසූ අධිරාජිනියක වන “වූ සෙතියාන්” සිය සම අලංකාර කර ගැනීම සඳහා මුතු කුඩු යොදා ගෙන ඇති බවට සාක්ෂි තිබේ. 

මුතු කුඩුවල මූලික ප්‍රයෝජනය වන්නේ විෂ නැසීම ය. චීන ක්‍රමයේ මෙන් ම ආයුර්වේදීය ක්‍රමයේ ද මේ වග පැහැදිලි ලෙස සඳහන් වී ඇත. චීන ජාතිකයින් වැඩි වශයෙන් මුතු භාවිත කර ඇත්තේ සිරුර ඉහිල් කිරීමේ හා ගින්නෙන් ආරක්ෂා කර ගැනීමේ ද්‍රව්‍යයක් වශයෙනි. එසේ වන්නේ එහි අඩංගු “මැග්නීසියම්” සංඝටක නිසාවෙනි. ආයුර්වේදීය වෛද්‍යවරුන් “ආදර පානය” නිපදවීම සඳහා ද මුතු යොදා ගෙන ඇත. මුතු කුඩු සාදනු ලබන්නේ ආශ්‍රැත ජලයේ හෝ ලුණු වතුරෙහි තම්බා (ඒවා විෂබීජහරණය කිරීම සඳහා), පසුව පිටිවලට සමාන මෘදු සිහින් කුඩු බවට පත් වන තුරු ඇඹරීමෙනි. 

මුතු කුඩුවල ඇමයිනෝ අම්ල, කැල්සියම් සහ ඛනිජ ලවණ අඩංගු වන අතර සම සහ සෞඛ්‍යය සඳහා බොහෝ වාසිදායක වන බව සොයාගෙන ඇත. අපගේ ශරීරය නිසි ලෙස ක්‍රියාත්මක වීමට ඇමයිනෝ අම්ල ප්‍රෝටීනය තැනීම අත්‍යවශ්‍ය වේ. ඒවා සමේ සෛල තුළ කොලැජන් නිපදවීමටත් සෛලීය අළුත්වැඩියාවටත් වැදගත් වේ. තව ද ඒවා සම දූෂණය වීමෙන් හා බාහිර මූලද්‍රව්‍යවලින් ද ආරක්ෂා කරයි. මුතු කුඩුවල මැග්නීසියම් සහ පොටෑසියම් ඇතුළු ඛනිජ ලවණ 30කට අධික ප්‍රමාණයක් අඩංගු වන අතර එය සමේ සෞඛ්‍යය ප්‍රභවය පවත්වා ගැනීමට උපකාරී වේ. මේවායේ කැල්සියම් ප්‍රමාණය ඉහළ මට්ටමක පවතී. කැල්සියම්, සමේ පුනර්ජනනය හා තෙතමනය ප්‍රවර්ධනය කරයි. වාචික ව ගත් කල, කැල්සියම් අස්ථි ශක්තිමත් කිරීමට ද උපකාරී වන අතර ඔස්ටියෝපොරෝසිස්වලට එරෙහිව සටන් කරයි. මුතු කුඩු ශරීරයේ වඩාත් බහුල ප්‍රතිඔක්සිකාරක දෙකක් ඇති කරන බව කියනු ලැබේ. එනම්, “සුපර් ඔක්සයිඩ් ඩිස්මියුටේස්” (SOD) සහ “ග්ලූටතයෝන්” ය. මෙම ප්‍රතිඔක්සිකාරක රෝගවලට එරෙහි ව සටන් කිරීමට උපකාරී වන අතර ආයු කාලය පවා දීර්ඝ කිරීමට ඒවාට හැකිය. 

මුතු කුඩුවලින් මෙලනින් නිපදවීමට හේතු වන එන්සයිමයක් වන “ටයිරොසිනේස්” සක්‍රීය කිරීම අඩු කරන බව කියනු ලැබේ. මෙය නොමැතිව සම වඩාත් දීප්තිමත් ලෙස එනම්, මුතු ඇටයක් වැනි ව පෙනේ. මුතු කුඩු තුවාල සුව කිරීම වේගවත් කරයි. කොලැජන් පුනර්ජනනය කිරීමට උපකාරී වන හෙයින් සමෙහි රැළි අඩු කිරීමට ද උපකාරී වෙයි. මුතුවල අඩංගු මැග්නීසියම්වලට සිරුරේ “ගැමා ඇමයිනොබියුට්රික් අම්ල” (GABA) මට්ටම ඉහළ නැංවීමේ හැකියාවක් ඇති අතර එමඟින් මානසික අවපීඩනය, කාංසාව සහ නින්දේ දී ඇති වන ඇතැම් ආබාධ ද අවම කර ගත හැකිය.

මුතු, බෙල්ලන් තුළ වැඩෙන බැවින් මුතු කුඩු තාක්ෂණය නීති විරෝධී වේ. කෙසේ වෙතත්, බොහෝ නිර්මාංශිකයින් විශ්වාස කරන්නේ මුතු කුඩු ඔවුන්ගේ රූපලාවණ්‍ය කටයුතුවලදී භාවිතා කිරීමේ ගැටලුවක් නොමැති බව ය. එය මී මැසි පරාගනය මෙන් බෙල්ලාගේ සිරුර තුළ, නොදැනුවත්ව ම සිදු වන කාර්යයක් හෙයින් එහි කිසිදු සත්ත්ව හිංසනයක් නොමැති බව කියවේ. එහෙත් මෙම සංකල්පය සම්පූර්ණයෙන් ම වැරදි සහගත ය.

මව්කිරි ප්‍රතිකාරය.

මව්කිරි යනු ඉතා වැදගත් හා වටිනා සංඝටක බොහෝමයක් අඩංගු වන සම්පූර්ණ ළදරු ආහාර වේලක් බවට නිසැක ය. එහෙත් දරුවාට වසර දෙකක් පමණ ගත වූ පසු මෙහි ඇති වටිනාකම ක්‍රමයෙන් ක්ෂය වී යයි. මව්කිරිවල ඇති වෙනත් විශේෂතා පිළිබඳ පාරම්පරික වෙද පොත්වල සඳහන් ය. එයිනුත් පිළිකා මර්දනයට මව්කිරිවල ඇති වැදගත්කම අතිමහත් බවට බටහිර රටවල් පවා සාක්ෂි දෙති.

2009 වසරේ දී පිළිකාවේ මධ්‍යම අවධියේ සිටි මිනිසෙක් සිය දියණියගෙන් ලබා ගත් මව්කිරි වීදුරුවක් දිනපතා උදෑසන පානය කළේ ය. සාම්ප්‍රදායික මිනිසෙකු වූ ඔහු විශ්වාස කළේ එමඟින් සිය රෝගය සුව වන බව ය. එය සත්‍යයක් කරමින් මාස කිහිපයකට පසු වෛද්‍යවරුන් විසින් සිදු කළ පරීක්ෂණවල දී පෙනී ගියේ එම පුද්ගලයා අනතුරුදායක මට්ටමින් ගැලවී ගොස් තිබූ බව යි. මේ පිළිබඳ වැඩිදුර පර්යේෂණ සිදු කළ ස්වීඩනයේ “ලන්ඩ්” හා “ගොතෙන්බර්ග්” විශ්වවිද්‍යාලවල ශිෂ්‍යයින් විසින් තහවුරු කරන ලද්දේ සැබවින් ම මව්කිරිවලට පිළිකා නැසීමේ ගුණය තිබෙන බව යි.

මෙම තත්ත්වය HAMLET (human Alpha-lactalbumin made lethal to tumor cells) යනුවෙන් හැඳින්වේ. ඒ අනුව මානව ලැක්ටබියුමින්, පිළිකා සෛල සඳහා මාරාන්තික වන බව පිළිගැනෙයි. වර්තමාන තත්ත්වය අනුව මව්කිරි හේතුවෙන් පිළිකාවේ මරණීය අවස්ථාව ජය ගත හැකි බව වාර්තා වුව ද, මෙසේ සිදු වන්නේ මව්කිරිවල අඩංගු කුමන සංඝටකය නිසාවෙන් ද යන්න වටහා ගැනීමට වෛද්‍යවරුන් අදටත් අපොහොසත් වී තිබේ. 

ශ්‍රීනි ලංකා ජයකොඩි.