20 වන ව්‍යවස්ථා සංශෝධනයට පක්ෂව ඡන්දය ලබාදුන් පාර්ලිමේන්තු මන්ත්‍රිනී ඩයනා ගමගේ මහත්මිය වහා ම ක්‍රියාත්මක වන පරිදි එම පක්ෂයෙන් නෙරපා හැරීමට සමගි ජන බලවේගයේ නායක සජිත් ප්‍රේමදාස මහතා තීරණය කර තිබේ.
පසුගිය බ්‍රහස්පතින්දා (12දා) සමගි ජන බලවේගයේ විධායක කමිටුව රැස්වූ අවස්ථාවේදී ඒ පිළිබඳ තීරණයක් ගැනීමේ බලය සජිත් ප්‍රේමදාස මහතා වෙත පවරා ඇත.
ඒ අනුව, සජිත් ප්‍රේමදාස මහතා ඩයනා ගමගේ මහත්මිය නෙරපා හැරීමේ තීන්දුව ගෙන තිබේ.
20 වන ව්‍යවස්ථා සංශෝධනයට පක්ෂව ඡන්දය දුන් අනෙකුත් සමගි ජන බලවේගයේ මන්ත්‍රීවරුන් 7 දෙනා පිළිබඳව තීරණයක් ගැනීමේ බලය ඔවුන් නියෝජනය කරන පක්ෂවල නායකයන් වෙත පවරා ඇති නිසා, ඒ පිළිබඳ අවසන් තීරණය ඔවුන් විසින් සමගි ජන බලවේගයේ විධායක කමිටුව වෙත දැන්විය යුතුව ඇතැයි ආරංචි මාර්ග සඳහන් කරයි.
© මව්බිම
About The Author
අත නොහැර කියවන තැන
ජනපතිවරණයට පෙර මහමැතිවරණයට වැඩි ඉඩක් – විධායකයේ සමාව අයැදීම අධිකරණයේ ස්ථාවරය සමඟ ගැටීමක
වසර දෙකට රනිල් ගහපු ගේම මෙන්න – පනත් 90ක් සම්මත කරගෙන
සමගි ජන බලවේගයේ සභාපති ධුරයට ඉම්ටියාස් !