“අපි පස්ස බලන්නේ බැසිල් රාජපක්ෂ ජනාධිපති කරලයි, අයියල මල්ලිල කොටවන්න ලෑස්ති වෙන්න එපා” – පොහොට්ටු පසුපෙළ බැසිල් සමඟින් එක පෙළට

බැසිල් රාජපක්ෂ මහතා මෙරට ජනාධිපති පුටුවට ඉතා පැහැදිලිව සුදුසුකම් ඇති පුද්ගලයෙකු බව පොදුජන පෙරමුණේ පාර්ලිමේන්තු මන්ත්‍රී තිස්ස කුට්ටිආරච්චි මහතා සඳහන් කරනවා.

බැසිල් රාජපක්ෂ මහතා මෙරට රාජ නායකත්වය සඳහා දිනක ඉදිරිපත් වන්නේ නම් බහුතර ජනතාවත් සමග එළියට බැස පසුපෙළ මන්ත්‍රීවරු ලෙස පෙනී සිටින බවද පෙන්වා දෙන කුට්ටිආරච්චි මහතා අවධාරණය කළේ බැසිල් රාජපක්ෂ මහතා විසින් පොදුජන පෙරමුණ බිහි නොකලානම් අද ආණ්ඩුවක්ද නොමැති බවයි.

එමෙන්ම මේ වන විට රටේ පාලන බලය හොබවන ගෝඨාභය , මහින්ද, බැසිල් යන සොයුරන් අතරේ විරසක නිර්මාණය කිරීමට යමෙකු උත්සහ කරන්නේ නම් එය නිෂ්පල කටයුත්තක් බවද කුට්ටිආරච්චි මහතා සඳහන් කළේ ශ්‍රී ලංකා පොදුජන පෙරමුණ මූලස්ථානය පැවති මාධ්‍ය හමුවක් අමතමින්.

About The Author

Editor

See author's posts