රටට අවශ්‍ය සමස්ත විදුලි අවශ්‍යතාවය ඉක්මවා විදුලිය නිෂ්පාදනය කිරීමේ හැකියාවක් මේ වන විට මෙරට විදුලියබල පදධතියට ඇති බව හිටපු විදුලිය බල හා බලශක්ති අමාත්‍ය පාඨලී චම්පික රණවක මහතා පවසනවා.
ඔහු පෙන්වා දෙන්නේ එවන් වටපිටාවක් තුළ ඇතැම් පිරිස් විදුලිය ජාවාරමක් සඳහා සැලසුම් කරමින් සිටින බවයි.
පසුගිය සතියේ ඇති වූ විදුලිය බිඳ වැටීමේ සිදුවීමට පෙර ලංකා විදුලිය බලමණ්ඩලය විසින් පසුගිය නොවැම්බර් මාසයේ යොමුකළ ලිපියක් මගින් මෙරට විදුලිය පද්ධතියේ ඇති අසමතුලිතාවයක් පිළිබඳ කරුණු වාර්තා කර ඇති බවත්, රටට අවශ්‍ය සමස්ත විදුලි අවශ්‍යතාවය ඉක්මවා විදුලිය නිෂ්පාදනය කිරීමේ හැකියාවක් මේ වන විට මෙරට විදුලියබල පද්ධතිය තුළ පවතින බව ද එම ලිපියේ තව දුරටත් ඇතුළත් වී තිබු බවත් රණවක මහතා පෙන්වා දී තිබෙනවා.
රට පුරා ව්‍යාප්තව ඇති සුර්ය පැනල පද්ධති මගින් සැලකිය යුතු මට්ටමක විදුලිය නිෂ්පාදනයක් සිදුකරන බවත් විදුලිය බල මණ්ඩලයේ ඇතැම් පිරිස් විෂය භාර අමාත්‍යවරයාද සම්බන්ධකර ගනිමින් මෙලෙස නිෂ්පාදනය කෙරෙන විදුලිය සඳහා සැපයුම්කරුවන්ට ගෙවන මුදල සීමා කර සුර්ය පැනල මගින් විදුලි නිෂ්පාදනය අධෛර්යයට පත් කිරීම සඳහා සැලසුම් සකසා ඇති බවත් හිටපු අමාත්‍යවරයා සඳහන් කර ඇත්තේ අන්තර්ජාල නාලිකාවක් සමඟ විශේෂ සංවාදයකට එක්වෙමින්.
About The Author
අත නොහැර කියවන තැන
බංග්ලාදේශයට ප්‍රබල භූ කම්පනයක්
කෝටි 400ක මත්ද්‍රව්‍ය තොගයට සජබ පළාත් පාලන අපේක්ෂකයෙක් අල්ලයි
මුහුදෙන් ඇල්ලූ යාත්‍රාවේ මත්ද්‍රව්‍ය කිලෝ 376කට වැඩි ප්‍රමාණයක්