මාධ්‍යවේදී ප්‍රගීත් එක්නැලිගොඩ අතුරුදන් කිරීමේ සිදුවීම සම්න්බ්න්ධයෙන් එවක ආරක්ෂක ලේකම්වරයා වශයෙන් කටයුතු කළ වත්මන් ජනාධිපති ගෝඨාභය රාජපක්ෂ මහතා සම්බන්ධයෙන් සහ හමුදා බුද්ධි නිලධාරීන් සම්බන්ධයෙන් තමා මහේස්ත්‍රාත්වරයා හමුවේ සිදුකළ ප්‍රකාශ අසත්‍ය බව පැමිණිල්ලේ සාක්ෂිකරුවෙකු අධිකරණය හමුවේ පවසා තිබෙනවා.
යහපාලන රජය පැවති සමයේ ඒ වනවිට රහස් පොලිසියේ බලකිරීම මත තමා එසේ පැවසූ බවයි ඔහු වැඩිදුරටත් ත්‍රිපුද්ගල මහාධිකරණය හමුවේ සඳහන් කර තිබෙනවා.
මාස තුනක් රහස් පොලිසිය භාරයේ සිටි ඔහු රහස් පොලිසිය විසින් මහේස්ත්‍රාත්වරයා හමුවට ඉදිරිපත් කර තිබුණා.
තමාට එදා නිදහස් වී ගෙදර යන්නට ලැබෙන්නේ එවැනි ප්‍රකාශයක් කිරීමෙන් පමණක් බැවින් තමා ඒ දේ පැවසූ බවයි එම සාක්ෂිකරුවා වැඩිදුරටත් පවසා ඇත්තේ.
කෙසේ වෙතත් බොරු සාක්ෂි ලබා දීම සහ සාක්ෂි වසන් කිරීම ද වසර හයක සිර දඩුවමකට ලක් විය හැකි වරදක් බව මේ සාක්ෂිකරුවා එදා හෝ අද නොදැන සිටින බවයි පෙනෙන්නට තිබෙන්නේ.
මීට පෙර කළ ප්‍රකාශයෙන් එම සාක්ෂිකරු පවසා තිබුනේ බුද්ධි නිලධාරීන් විසින් මෙය ආරක්ෂක ලේකම් ගෝඨාභය රාජපක්ෂගේ වැඩක් යැයි තමාට පැවසූ බවයි.
නමුත් එවැනි දෙයක් කිසිවකු තමාට නොපැවසූ බව අද (24) දිනයේ පවසා තිබෙනවා.
මෙම සාක්ෂිකරු හිටපු එල්ටීටීඊ සාමාජිකයෙකු බවද සඳහන්.
ගෝඨාභය රාජපක්ෂ මහතා සම්බන්ධයෙන් විදුලිබල මණ්ඩලයේ හිටපු සභාපති එච් එම් එම් ෆර්ඩිනැන්ඩු මහතා ද පසු ගිය දිනක ප්‍රකාශයක් සිදු කරමින් කියා සිටියේ මෙරට පුනර්ජනනනීය බලශක්ති ව්‍යාපෘතියක් ඉන්දියාවේ අදානි සමාගමට ලබා දෙන ලෙස තමන්ට යම්බල පෑමක් සිදුකළ බවයි.
කෙසේ වෙතත් පැය 24 යන්නට මත්තෙන් ඔහු එම ප්‍රකාශය ඉල්ලා අස්කරගත් අතර ඔහු සඳහන් කළේ කෝප් කමිටුවට සාක්ෂි ලබා දෙන අවස්ථාවේ තමා සිටි පීඩනය හේතුවෙන් එවැන්නන් තමාගේ අතින් ප්‍රකාශ වූ බවයි.
© Live @ 8
About The Author
අත නොහැර කියවන තැන
පොලිස්පතිව හොයාගන්න බැරි රටේ අපරාධකරුවන් හොයාගන්නේ කොහොමද? – දේශබන්දු අතුරුදන්
ගිහිල්ලා මහ බැංකුව වට කරන්න ජනාධිපති උපදේශකයෙකු කියලා
ජල පිරිපහදුවට ගෙන්වූ ‘ලයිම්’ වල ක්‍රෝමියම් වැඩියි.. පිළිකා ඇතිවීමේ අනතුරක්..?