රට ගොඩනැගීමට සියලු දෙනා සහයෝගය දුන්නොත් ලබන නොවැම්බර් මාසය වන විට රට යම් සුබවාදී මාවතකට ගැනීමට හැකියාව ලැබෙන බව එක්සත් ජාතික පක්ෂ සභාපති වජිර අබේවර්ධන මහතා පවසා තිබෙනවා.
දෙකෝටි තිස් ලක්ෂයක් වන මහජනතාව දැන් රෝගීන් බවට පත්ව ඇතැයි කී අබේවර්ධන මහතා එම රෝගීන් බලා ගැනීමට පැමිණ සිටින “විශේෂඥ වෛද්‍යවරයා” වන අග්‍රාමාත්‍ය රනිල් වික්‍රමසිංහ මහතාට ශාප නොකොට සියළු දෙනාගේම ආශිර්වාදය ලබා දුනහොත් ශ්‍රී ලංකාව නිවැරදි කිරීමට හැකි වනු ඇතැයි සඳහන් කළේය.
2019 මහ මැතිවරණයට එක්සත් ජාතික පක්ෂය ඉදිරිපත් කළ ප්‍රතිපත්ති ප්‍රකාශනය අදටත් පරම සත්‍යයක් වී තිබෙන බව කී අබේවර්ධන මහතා ඉකුත් මහ මැතිවරණයට එක්සත් ජාතික පක්ෂය ඉදිරිපත් කළ ප්‍රතිපත්ති ප්‍රකාශයේ සඳහන් කාරණා ජනතාව ඇහුවා නම් රට අද මෙවැනි අභාග්‍යයකට මුහුණ දෙන්නේ නැති බව කීය .
එම ප්‍රතිපත්ති ප්‍රකාශයේ තිබූ කාරණා වලින් අකුරක්වත් වැරදි නම් පෙන්වන්නැයි අභියෝග කරන බවද අබේවර්ධන මහතා පැවසීය.
© ලංකාදීප
About The Author
අත නොහැර කියවන තැන
ජනාධිපති අනුර කුමාර දිසානායක ජාතිය අමතා සිදු කළ විශේෂ ප්‍රකාශය
රට අනුරට යයි – අනුර ජනපති පුටුවට එයි
සෙනඟ 3000 ක පැකේජයක් ලක්ෂ 45 – පක්ෂයේ පාටින් ඇඳුම් අන්දා එවයි