එයා අපේ කාඩර් එකේ නෑ අගමැති මාධ්‍ය ලේකම් කියයි : ජනතා බදු මුදලින් යැපෙන ඔයා ඉන්න කාඩර් එකේ මම නෑ තමයි, එයා කියයි

මහින්ද රාජපක්ෂ මහතාගේ මුස්ලිම් කටයුතු ලේකම් ශිරාස් යූනුස් නැවත කරලියේ

මහින්ද රාජපක්ෂ මහතාගේ මුස්ලිම් කටයුතු සම්බන්ධීකාරක ලෙස තමන් කටයුතු කරන බව ප්‍රසිද්ධියේ නොබියව සඳහන් කරමින් ආණ්ඩුවේ ක්‍රියාකාරකම් පිළිබඳ දැඩි විවේචනයක යෙදෙන ශිරාස් යුනුස් (Shiraz Yunus) මහතා සම්බන්ධයෙන් අග්‍රාමාත්‍ය මාධ්‍ය ලේකම් රොහාන් වැලිවිට මහතා විසින් මාධ්‍ය නිවේදනයක් නිකුත් කර තිබෙනවා.

ඔහු පෙන්වා දී ඇත්තේ ශිරාස් යුනුස් මහතා අග්‍රාමාත්‍ය කාර්යාලයට සම්බන්ධ කිසිදු තනතුරක් නොදරන බවයි.

ඊට අදාළ මාධ්‍ය නිවේදනය පහළින්..

ශිරාස් යුනුස්ගේ ප්‍රතිචාරය

‍අග්‍රාමාත්‍ය මාධ්‍ය ලේකම් වරයාගේ නිවේදනයට ප්‍රතිචාර දක්වමින් ශිරාස් යුනුස් මහතා සඳහන් කරන්නේ ජනතා බදු මුදලින් යැපෙන , රජයේ වාහන පරිහරණය කරන සේවා ගණයේ කිසිදු තමන් විසින් නොදරන බවයි.

2018 වසරේ සිට මහින්ද රාජපක්ෂ මහතාගේ මුස්ලිම් කටයුතු සම්බන්ධීකාරකවරයා ලෙස කටයුතු කරන බවද ඔහු පවසනවා.

ඊට අදාලව තානාපති කාර්යාල මට්ටමින් ද තමා මහින්ද රාජපක්ෂ මහතා වෙනුවෙන් ගනුදෙනු කර ඇති බව ද ශිරාස් යුනුස් මහතා පවසනවා.

ශිරාස් යුනුස්ගේ ආන්දෝලනාත්මක කතා

කෙසේ වෙතත් ශිරාස් යුනුස් මහතා සම්බන්ධයෙන් ‍ අග්‍රාමාත්‍ය මාධ්‍ය ලේකම්වරයා විසින් මෙවැනි මාධ්‍ය නිවේදනයක් නිකුත් කිරීමට දී තිබෙන්නේ ඔහු පසුගිය දින වල You tube සහ තවත් සමාජ මාධ්‍ය ජාල කිහිපයක් ඔස්සේ සිදුකළ ආන්දෝලනාත්මක ප්‍රකාශ කිහිපයක් හේතුවෙන් බවයි වාර්තා වන්නේ.

ශිරාස් යුනුස් මහතා පසුගියදා Mee Massoo TV සමගින්ද විශේෂ සංවාදයකට එක් වුණා.

එහිදී ඔහු ආන්දෝලනාත්මක ප්‍රකාශයන් රැසක් සිදු කළ අතර ඒ සම්බන්ධයෙන් සමාජය තුළ වැඩි කතා බහක් නිර්මාණය වුණා.

අදාළ වැඩසටහනට පහලින්..

About The Author