සමූහ දූෂණය ඇතුළු මිනිස් ජීවිතවලට එරෙහි අපරාධ කිහිපයක් සම්බන්ධයෙන් කොංගෝ ප්‍රජාතන්ත්‍රවාදී ජනරජයේ යුධ පුහුණුව ලැබූ මහජන හමුදාවේ හිටපු නායකයෙකුට ජීවිතාන්තය දක්වා සිර දඬුවම් නියම කර තිබේ.
මිනීමැරීම, ස්ත්‍රී දූෂණය, ලිංගික වහල්භාවය සහ වයස අවුරුදු 15ට අඩු ළමයින් බඳවා ගැනීම සම්බන්ධයෙන් හමුදා අධිකරණය විසින් “නටාබෝ නටබේරි” නමැති පුද්ගලයා වරදකරු කරනු ලැබීය.
වසර දෙකක නඩු විභාගයක් අවසානයේ දී වින්දිතයන් 178 දෙනෙකුගේ සාක්ෂි මත මෙම තීන්දුව ප්‍රකාශයට පත් විය.
එක්සත් ජාතීන්ගේ සංවිධානය කියා සිටියේ මෙම දඬුවම කිසිසේත් වැළැක්විය නොහැකි බව යි.
“මෙම තීන්දුව ඩී.ආර්.සී. හි ගැටුම්වලට ගොදුරු වූ බොහෝ දෙනාට ඉමහත් බලාපොරොත්තුවක් ඇති කරයි. ඔවුන්ගේ දුක් වේදනා අධිකරණය විසින් අසා හඳුනාගෙන තිබේ.” යැයි ඩී.ආර්. කොංගෝවේ එක්සත් ජාතීන්ගේ සාම සාධක මෙහෙයුමේ ප්‍රධානී ලීලා සෙරෝගුයි පැවසීය.
“ෂෙකා” යනුවෙන් ද හැඳින්වෙන මෙම පුද්ගලයා, උතුරු කිවු ප්‍රදේශයේ නැගෙනහිර පළාතේ ක්‍රියාත්මක වූ “එන්ඩූමා ඩිෆෙන්ස් ඔෆ් කොංගෝ” (එන්.ඩී.සී.) නම් යුධ පුහුණුව ලැබූ මහජන හමුදා කණ්ඩායමේ නායකයෙකි.
නැගෙනහිර ඩී.ආර්. කොංගෝව දිගු කලක් තිස්සේ ගැටුම්වලින් පීඩා විඳි අතර, දේශපාලන බෙදීම් නිසා ප්‍රදේශයේ ඛනිජ සම්පත් බහුල වශයෙන් විනාශ විය.
1998 සහ 2003 අතර ඩී.ආර්. කොංගෝවේ සිවිල් යුද්ධයක් පැවතුණ ද, සමහර මහජන හමුදාවන් සාමය පවත්වා ගැනීම සඳහා එක්සත් ජාතීන්ගේ දූත මෙහෙවරක යෙදී සිටින නැගෙනහිර සිට දිගින් දිගටම සටන් කරමින් සිටිති.
අත නොහැර කියවන තැන
ඉන්දියාවේ උමගක් තුළ සිරවුණු කම්කරුවන් බේරා ගැනීම ඇරඹෙයි
සිවු දින සටන් විරාමයකට කැමැත්ත
ඊශ්‍රායල් – හමාස් යුද්ධයට සටන් විරාමයකට යෝජනාවක්