විපක්ෂ නායක සජිත් ප්‍රේමදාස මහතා එම ධුරයෙන් ඉල්ලා අස්වී ඇත් දැයි පොදු ජන පෙරමුණේ මහනුවර දිස්ත්‍රික් මන්ත්‍රී මහින්දානන්ද අලුත්ගමගේ මහතා පාර්ලිමේන්තුවේදී ප්‍රශ්න කළේය.
සංස්කෘතික අරමුදලේ මුදල් අවභාවිතාව සම්බන්ධයෙන් තමා විපක්ෂ නායකවරයාට නැගූ චෝදනාව ඔප්පු කළොත් ඉල්ලා අස්වන බවට විපක්ෂ නායකවරයා පාර්ලිමේන්තුවේදී ඊයේ ප්‍රසිද්ධියේ ප්‍රකාශ කළ බව අලුත්ගමගේ මහතා කීය.
අදාල මුදල් වියදම් කිරීමට සජිත් ප්‍රේමදාස මහතා නියමිත අනුමැතිය ගෙන නැතැයි සංස්කෘතික අමාත්‍ය විදුර වික්‍රමනායක මහතා පාර්ලිමේන්තුවේදී සඳහන් කළේ යැයිද ඒ අනුව තමා විපක්‍ෂනායකවරයාට කළ චෝදනාව ඔප්පු වූයේ යැයි ද අලුත්ගමගේ මහතා සඳහන් කළේය.
වෙනදා උදේ 9.30 වන විට පාර්ලිමේන්තුවට එන විපක්ෂ නායකවරයා අද නාවේ ඔහු ඉල්ලා අස්වුණාදැයි විපක්ෂයේ ප්‍රධාන සංවිධායක වරයාගෙන් දැනගන්නට කැමති බවද මහින්දානන්ද අලුත්ගමගේ මහතා කීය.
About The Author
අත නොහැර කියවන තැන
ජනපතිවරණයට පෙර මහමැතිවරණයට වැඩි ඉඩක් – විධායකයේ සමාව අයැදීම අධිකරණයේ ස්ථාවරය සමඟ ගැටීමක
වසර දෙකට රනිල් ගහපු ගේම මෙන්න – පනත් 90ක් සම්මත කරගෙන
සමගි ජන බලවේගයේ සභාපති ධුරයට ඉම්ටියාස් !