රට බරපතළ ආර්ථික අර්බුදයකට මුහුණ දී පෙනී සිටින අවස්ථාවක පසුගිය ජනවාරි මාසයේ ඩොලර් මිලියන 500ක මුදලක් ස්වෛරීත්ව බැඳුම්කර වෙනුවෙන් රාජපක්ෂවරුන්ට ගෙවා දැමූ බවට එවක මහ බැංකු අධිපති ධුරය දැරූ අජිත් නිවාඩ් කබ්රාල් මහතාට චෝදනා එල්ල වුණා.
අදාළ ඇ. ඩොලර් මිලියන 500 ක මුදල නොගෙවා කල් ගැනීමට හැකියාව තිබිය දී ප්‍රාථමික ගැණුම්කරුවන්ට වහාම එම මුදල් ගෙවා දැමීම සම්බන්ධයෙන් පාර්ලිමේන්තුවේදී ද ප්‍රශ්න කිරීම සිදු වූ අතර ඉතා දූෂිත නිසා එම තොරතුරු වසන් කිරීම ආණ්ඩුව පියවර ගෙන තිබුණා.
ඩොලරයේ අගය බලෙන් නවතා ගැනීම වෙනුවෙන් මහ බැංකුව සතුව තිබූ සීමිත ඩොලර් සංචිතය ද තොග ගණනින් වෙළඳ පොලට මුදා හැරීම සම්බන්ධයෙන් තොරතුරු අනාවරණය වුණා.
ඒ හරහා ද විශාල මූල්‍ය වංචාවක් සිදු වූ බවට මේ වන විට චෝදනා එල්ල වී තිබෙනවා.
මහ බැංකු අධිපති ධූරයෙන් අජිත් නිවාඩ් කබ්රාල් මහතාට එරෙහිව කීර්ති තෙන්නකෝන් මහතා විසින් ගොනු කර ඇති අපරාධ නඩුවක් ගොනුකර තිබෙනවා.
ඒ ඇමරිකානු ඩොලර් මිලියන පන්සීයක මුදලක් ස්වෛරිත්ව බැඳුම්කර වෙනුවෙන් නිදහස් කිරීම සම්බන්ධවයි.
එම පැමිණිල්ලට අදාළ නඩුව පසුගියදා (23) කොළඹ මහේස්ත්‍රාත් අධිකරණයේ කැඳවූ අතර, එහිදී ඇමරිකානු ඩොලර් මිලියන 500 ක මුදල ගෙවන ලද ප්‍රාථමික ගැණුම්කරුවන්ගේ ලැයිස්තුවක් මහ බැංකුවෙන් ලබා ගැනීමට පැමිණිලි පාර්ශ්වය විසින් කරන ලද ඉල්ලීමට අධිකරණය අවසර ලබාදී තිබෙනවා.
නඩුව විභාගයට ගන්නා අවස්ථාවේ අජිත් නිවාඩ් කබ්රාල් මහතා උසාවියේ මගහැර සිට ඇති බවයි වාර්තා වන්නේ.
ඒ අනුව සියලු කරුණු සැලකිල්ලට ගනිමින් අධිකරණය විසින් අජිත් නිවාඩ් කබ්රාල් මහතාට පනවා ඇති විදෙස් ගමන් තහනම, 2022 ජූලි මස 25 වැනිදා දක්වා දීර්ඝ කර තිබෙනවා.
About The Author
අත නොහැර කියවන තැන
මහජන ආරක්ෂක අමාත්‍යධුරය ෆොන්සේකාට – දුන්නොත් භාරගන්නවා ඉල්ලන්න අයිතියක් නෑ ෆොන්සේකා කියයි
ආණ්ඩුවේ ආයතනයකින් විමල්ගේ “සඳේ ගින්දර” නිවන්න හදලා – නිවන්න දෙන්නේ නෑ, වෙන තැනක සිට අවුලුවන බව කියයි – බාධා කළ අයට නීති මාර්ගයෙන් පියවර
මාධ්‍යවේදීයෙකු පැහැරගෙන ගොස් මරා දැමීමට තැත්කළ බවට සැක හිටපු හමුදා බුද්ධි නිලධාරීන් දෙදෙනෙකු අත්අඩංගුවට