නවතම පුවත්

මිනීමැරුම් චෝදනාවෙන් පිල්ලයාන් මහතා ඇතුළු පහක් නිදොස්කොට නිදහස් – පරරාජසිංහම් මරපු කෙනෙක් නෑ!!

පාර්ලිමේන්තු මන්ත්‍රී ජෝසප් පරරාජසිංහම් මහතා ඝාතන නඩුවෙන් සිවනේසතුරෙයි චන්ද්‍රකාන්තන් හෙවත් පිල්ලෙයාන් මහතා ඇතුලු සැකකරුවන් 5 දෙනා අද නිදොස් කොට නිදහස් කර තිබෙනවා.

අද දින නඩුව කැඳවනු ලැබුවේ මඩකලපුව මහාධිකරණ විනිසුරු ඩී. එස්. සූසෙයිදාසන් මහතා හමුවේයි.

පසුගිය 11 වනදා මෙම නඩුව කැඳවු අවස්ථාවේදී නීතිපති දොපර්තමේන්තුව අධිකරණයට දැනුම්දෙනු ලැබුවේ පිල්ලෙයාන් ඇතුලු විත්තිකරුවන්ට එරෙහි නඩුව ඉදිරියට පවත්වාගෙන යාමට අදහස් නොකරන බවයි.

ඒ අනුව විත්තිකරුවන් 5 දෙනා නිදොස් කොට නිදහස් කිරීමට මඩකලපුව මහාධිකරණය නියෝග කළේ ය.

2005 වසරේ දෙසැම්බර් 25 වනදා ජෝසප් පරරාජසිංහම් මහතා වෙඩි තබා ඝාතනය කෙරිණ.

ඒ අනුව ජෝසප් පරරාජසිංහම් මහතාට වෙඩි තැබීමේ සිද්ධියට වගකිව යුතු කිසිවෙක් නොමැති අතර මෙම ඝාතනයද මෙරට සිදුවූ ඝාතන අතර නොවිසදුණු අභිරහසක් ලෙස ඉතිහාසයට එක්වෙවිද යන ප්‍රශ්නාර්ථය ඉතුරු වී තිබෙනවා.