20 වන ආණ්ඩුක්රම ව්යවස්ථාවේ බලතල ප්රකාරව නොවැම්බර් මස 20 වැනිදා සිදු කළ අමාත්යාංශ විෂයය සංශෝධනයට අනුව ආරක්ෂක සහ තාක්ෂණ අමාත්යාංශ ජනාධිපති ගෝඨාභය රාජපක්ෂ මහතා යටතට ගෙන තිබෙනවා.
21 වන සියවස දැනුම් කේන්ද්රීය ශත වර්ෂය ලෙස සැලකේ.
එය යථාර්ථයක් කරනු වස් “තාක්ෂණය මත පදනම් වන සමාජයක්” බිහි කිරීම “සෞභාග්යයේ දැක්ම” ප්රතිපත්ති ප්රකාශයේ අරමුණ අනුව යමින් අවශ්ය ඉදිරි ක්රියාමාර්ග ගැනීම සදහා මෙම තීරණය ගෙන තිබෙනවා.
කෘෂිකර්මය, කර්මාන්ත සහ සේවා යන සියලු ක්ෂේත්ර අනාගතයේ දී තාක්ෂණය මත යැපෙන ආර්ථික අංශ බවට පත් වන බැවින් 21 වන සියවසේදී නව තාක්ෂණයෙන් සන්නද්ධ සමාජයක් බිහි කිරීම සඳහා අධ්යාපන ක්ෂේත්රයේ ආයෝජන, ආර්ථික අංශ සමග බද්ධ කිරීමට රජයේ අපේක්ෂාවයි.
එමගින් ජනතාවගේ ජීවන තත්ත්වය ඉහළ නැංවීමට ඉවහල් වන පරිදි තාක්ෂණික නව්යකරණ සංස්කෘතියක් (culture of technology Innovation) ගොඩනැගීම ජනාධිපතිවරයාගේ අභිප්රාය බව සඳහන්.
රාජ්ය යාන්ත්රණය හා වෙළෙඳ පොළ ක්රියාවලිය සරල කිරීම, දැනුම හුවමාරුවේ මෙවලමක් ලෙස තොරතුරු තාක්ෂණය භාවිතයෙන් ඩිජිටල් ආණ්ඩුකරණය පුළුල් කිරීම තාක්ෂණ අමාත්යංශයේ ප්රමුඛ කාර්යයකි.
ජාත්යන්තර විද්යුත් ගෙවීම් ක්රම ස්ථාපනය, රට පුරා විහිදුණු අධිවේගී දත්ත හුවමාරු පද්ධතියක් හා ආශ්රිත ජංගම ජාල පද්ධතියක් ස්ථාපනය නව අමාත්යාංශ විෂය පථයට අයත් වේ.
About The Author
අත නොහැර කියවන තැන
ජනාධිපතිවරණය අස්සේ ඌවට නව ආණ්ඩුකාරයෙක්
ලංකාවේ ජනාධිපතිවරණය නිරීක්ෂණයට යුරෝපා සංගමයෙන් විශේෂ කණ්ඩායම් කිහිපයක්
බාල ඖෂධ සිද්ධියේ සමාගම හිමිකරු අංගොඩට – කෙහෙළිය දිගටම හිරේ – නිදහස් නොකලොත් අංගවිකල වෙයිලු