ජාත්‍යන්තර මූල්‍ය අරමුදල හමුවට ණයක් ඉල්ලා යාමට සිදුවීම ගැන ඇත්තටම ආඩම්බර වීමක් නොව ලැජ්ජාවට පත් විය යුතු බව ජාතික ජන බලවේගයේ ගම්පහ දිස්ත්‍රික් මන්ත්‍රී විජිත හේරත් මහතා පාර්ලිමේන්තුවේදී පැවසීය.
ජාත්‍යන්තර මූල්‍ය අරමුදලේ ණය වාරිකය අනුමත වීම ගැන ආණ්ඩුවේ සමහර අය පුරසාරම් දොඩන බව කී හේරත් මහතා හම්බන්තොට වරාය විකිණූ වෙලාවෙත් රනිල් වික්‍රමසිංහ මහතා චෙක් පත අරගෙන පෙන්වා උදම් ඇනූ බව සඳහන් කළේය.
ඒ වගේම මූල්‍ය අරමුදලේ ණය ගැනත් උදම් අනන බව කී හේරත් මහතා රට බංකොලොත් කර අසීමාන්තිකව ණය ගන්න සිදුවීම ගැන ආර්ථිකය බාර වී සිටි අය ලැජ්ජා විය යුතු යැයි කීය.
බදු බර වැඩි කර රාජ්‍ය ආයතන විකුණා ලංකාව ජාත්‍යන්තර මූල්‍ය අරමුදලේ ණය කරුවෙක් වී තිබෙන බවද මෙය තාවකාලික පැලැස්තරයක් වුණත් තවත් ණය උගුලට හිරවීමක් පමණක් බව කීය.
නිෂ්පාදන ආර්ථිකයේ ඉහළ යාමක් වී නැතැයි ද ඇත්තටම විය යුත්තේ ආඩම්බරවීමක් නොව ලැජ්ජා වීමක් බව විජිත හේරත් මහතා සඳහන් කළේය.
About The Author
අත නොහැර කියවන තැන
ආණ්ඩුවේ ආයතනයකින් විමල්ගේ “සඳේ ගින්දර” නිවන්න හදලා – නිවන්න දෙන්නේ නෑ, වෙන තැනක සිට අවුලුවන බව කියයි – බාධා කළ අයට නීති මාර්ගයෙන් පියවර
මාධ්‍යවේදීයෙකු පැහැරගෙන ගොස් මරා දැමීමට තැත්කළ බවට සැක හිටපු හමුදා බුද්ධි නිලධාරීන් දෙදෙනෙකු අත්අඩංගුවට
‘අභිචෝදක තනතුර’ නීතිය දේශපාලනයට යටකිරීමක් – හිටපු අගවිනිසුරුවරයෙක් ආණ්ඩුවට අනතුරු අඟවයි