2022 අගෝස්තු 17

Mee Massoo.lk

Sri Lanka No 01 Famous Sinhala News Portal – "පුවත් සොයා ඉගිලෙන ප්‍රවෘත්තිකාර කම"

අපි අසරණ වෙලා, ආණ්ඩුවට සම්බන්ධ අයම එක්වී මහා පරිසර සංහාරයක් සිදුකරනවා. අපිට කරගන්න දෙයක් නෑ – ආරක්ෂක ලේකම්වරයා පවසයි

අන් කවරදාකවත් සිදු නොවූ ආකාරයේ මහා පරිසර හා වන විනාශයක් මේ වනවිට සිදුවෙමින් පවතින බව ආරක්ෂක ලේකම් විශ්‍රාමික ජනරාල් කමල් ගුණරත්න මහතා පවසනවා.

ආණ්ඩුවට සම්බන්ධ පිරිස් ආණ්ඩුවේම රැකවරණය ලබමින් මේ කටයුතුවල නිරතවන බව පවසන ආරක්ෂක ලේකම්වරයා ඇතැම් රාජ්‍ය නිලධාරීන්ද මෙයට සම්බන්ධ බවට චෝදනා කරනවා.

ආණ්ඩුවට හිතවත් භික්ෂුවක් ත්‍රිකුණාමලයේ මහා වන සංහාරයක

මාධ්‍ය හමුවේ අදහස් දැක්වූ කමල් ගුණරත්න මහතා සඳහන් කළේ ආණ්ඩුවට සම්බන්ධ මෙන්ම තමන්ද හොදින් හදුනන භික්ෂුවක් ද මේ වන විට ත්‍රිකුණාමලය ප්‍රදේශයේ මහා වන විනාශයක යෙදෙමින් සිටින බවයි.

පොලිසිය සහ ත්‍රිවිධ හමුදාවම යොදා වන විනාශයන් සිදුවන ස්ථාන වැටලුවද අවසානයේ එම ජාවාරම්කරුවන්ට නීත්‍යානුකූල ලෙස වනානන්තර කැපීම සඳහා බලපත්‍ර ලැබී තිබෙන බව හෙළි වීම කණගාටුදායක කාරණාවක් බවද ඔහු සඳහන් කළා.

මේ පිළිබඳ ජනාධිපතිවරයාද අවස්ථා කිහිපයකදීම දැනුවත් කිරීමට පියවර ගත් බවද ගුණරත්න මහතා මෙහිදී පැවසුවා.