මහා පරිමාණ මුල්‍ය වංචා සම්බන්ධයෙන් රක්ෂිත බන්ධනාගාර ගත කර සිටින තිළිණි ප්‍රියමාලිට එරෙහිව ගොනුකර ඇති නඩුව අද (19) කොටුව මහේස්ත්‍රාත් අධිකරණයේදි විභාගයට ගෙන තිබෙනවා.
එහිදී Skype තාක්ෂණය ඔස්සේ සැකකාර තිළිණි ප්‍රියමාලි අධිකරණයට ඉදිරිපත් කෙරුණු අතර කොළඹ මහාධිකරණයේ ස්ථිර මහේස්ත්‍රාත් තිළිණ ගමගේ මහතා නොමැතිවීම හේතුවෙන් නඩුව සලකා බැලුණේ වැඩබලන මහේස්ත්‍රාත් ශිලනි පෙරේරා මහත්මිය හමුවේයි.
මෙහිදී මහා පරිමාණ මුල්‍ය වංචා පිළිබඳ චෝදනා එල්ල වී තිබෙන තිළිණි ප්‍රියමාලි වෙනුවෙන් පෙනී සිටින්නේ කුමන නීතිඥ මණ්ඩලයක්ද යන්න බොහෝ දෙනෙක් අවධානය යොමුකර සිටි අතර සියල්ලන් මවිතයට පත්කරමින් සැකකාරිය වෙනුවෙන් පෙනී සිටියේ අධිකරණ හා බන්ධනාගාර අමාත්‍ය විජේදාස රාජපක්ෂ මතාගේ කණිෂ්ඨ නීතිඥ මණ්ඩලයයි.
එහිදි අධිකරණ අමාත්‍ය විජේදාස රාජපක්ෂ මහතාගේ ප්‍රධාන කණිෂ්ඨ නීතිඥයෙකු වන දසුන් නාගස්හේන මහතා නීතිඥ මණ්ඩලය මෙහෙයවා තිබෙනවා.
එමෙන්ම අධිකරණ අමාත්‍ය විජේදාස රාජපක්ෂ මහතාගේ පුත්‍රයා වන නීතිඥ රඛිත රාජපක්ෂ මහතාද මෙම නීතිඥ මණ්ඩලයට ඇතුළත් වීම සුවිශේෂි වුණා.
මේ සම්බන්ධයෙන් මේ වන විට නීති ක්ෂේත්‍රයේ බරපතළ කතාබහ නිර්මාණය වී ඇති බවයි දැනගන්නට තිබෙන්නේ.
අත නොහැර කියවන තැන
චීනය ශ්‍රී ලංකාව තුළ හමුදා කඳවුරක් ස්ථානගත කරන්න යනවා – ඇමරිකාව හෙළිකරයි
බැසිල් එළදෙනගේ පස්ස කෑල්ල සොයා ගනී – වගකීම රනිල් පිට පටවයි
සජබයට ආ ඩිලාන්ගෙන් හර්ෂ ද සිල්වාට ප්‍රහාරයක් – ආණ්ඩුවට කඩේ යන්න එපා යැයි කියයි