සෞභාග්‍යයේ නාට්‍ය දැක්මට සියල්ල සුදානම්

“ප්‍රේක්ෂා රංග කලා මහෝත්සවය” ටවර් සහ එල්ෆින්ස්ටන් වේදිකාවේ

කොවිඩ් වසංගතය හමුවේ කඩාවැටුණු වේදිකා නාට්‍ය ක්ෂේත්‍රයට යළි ගොඩනැංවීමේ අරමුණ ඇතිව රංග කලා මහෝත්සවයක් සංවිධානය කිරීමට ටවර් හෝල් රඟහල පදනම කටයුතු කර තිබෙනවා.

සෞභාග්‍යයේ නාට්‍ය දැක්ම ” “ප්‍රේක්ෂා රංග කලා මහෝත්සවය” ලෙස නම් කර ඇති මෙම වේදිකා නාට්‍ය වැඩසටහන අග්‍රාමාත්‍ය මහින්ද රාජපක්ෂ මහතාගේ අදහසකට අනුව විෂයභාර අමාත්‍ය විදුර වික්‍රමනායක මහතාගේ උපදෙස් මත ටවර් හෝල් රඟහල පදනම විසින් සංවිධානය කර තිබෙනවා.

ඒ අනුව එළඹෙන 11 වෙනිදා සිට 21 වෙනිදා දක්වා පස්වරු 3.30 සහ 6.30 ලෙස දර්ශන වාර දෙක බැගින් ටවර් රඟහලේ දී සහ එල්ෆින්ස්ටන් රඟහලේ දී මෙරට වේදිකා නාට්‍ය ක්ෂේත්‍රයේ වැඩිම ප්‍රේක්ෂක අවධානයක් දිනා ගත් වේදිකා නාට්‍ය 20 ක් වේදිකාගත කිරීමට සැලසුම් කර තිබෙනවා.