රාජ්‍ය ඉංජිනේරු සංස්ථාවේ සේවකයන්ගේ අප්‍රේල් මාස වැටුප ගෙවීම නියමිත දිනට වඩා දින කිහිපයක් ප්‍රමාද වීම හේතුවෙන් බව පවසමින් සේවක පිරිසක් විසින් එහි සභාපතිවරයා නිවාස අඩස්සියට ගැනීමේ සිදුවීමක් හේතුවෙන් අද උණුසුම් තත්වයක් නිර්මාණය වුණා.
ඔවුන් පැවසුවේ තම අප්‍රේල් වැටුප මේ මස 23 වනදා ගෙවීමට පාලනාධිකාරිය කටයුතු කළයුතු බවයි.
එමෙන්ම යම් ප්‍රමාදයක් ඇත්නම් ඒ බව වහා සේවකයන්ට හෙළිකළ යුතු බවයි ඔවුන්ගේ අදහස වුණේ.
මෙහිදී සේවකයින් විසින් සභාපතිවරයා ඔහුගේ කාමරයේ සිර කිරීමත් සමග තත්වය වඩා උණුසුම් මුහුණුවරක් ගත් අතර සිද්ධිය පාලනය කිරීම සඳහා පොලිසියද එම ස්ථානයට පැමිණියා.
නිරෝධායන නීති උල්ලංඝනය කරමින් පිරිසක් රැස්ව සිටින බවට ලද තොරතුරකට අනුව මැද කොළඹ සෞඛ්‍ය වෛද්‍ය නිලධාරී කාර්යාලයේ පිරිසක්ද එම ස්ථානයට පැමිණීමත් සමග තත්වය වඩා සංකීර්ණ වුණා.
කෙසේ වෙතත් සියලු පාර්ශව මැදිහත් වීමෙන් අනතුරුව රැස්ව සිටි පිරිස විසිර ගියා.
ඒ අද දිනය තුළ වැටුප් ලබා දෙන බවට සභාපතිවරයාගෙන් ලද පොරොන්දුවක් මතයි.
කෙසේ වෙතත් මාධ්‍යට අදහස් දක්වමින් රාජ්‍ය ඉංජිනේරු සංස්ථාවේ සභාපති රත්නසිරි කළුපහන මහතා සඳහන් කළේ මේ වන විටත් වැඩබිම්වල සේවකයින්ගේ වැටුප් ගෙවා අවසන් බවයි.
ඇතැම් රාජ්‍ය ආයතන විසින් නියමිත මුදල් ගෙවීම් ප්‍රමාද වීම හේතුවෙන් ප්‍රධාන කාර්යාලයේ සේවකයින්ගේ වැටුප් ගෙවීමේ ප්‍රමාදයක් ඇති වුවද අද දිනයේම එම වැටුප් ගෙවා අවසන් කිරීමට කටයුතු යොදා තිබු බවද ඔහු සඳහන් කළා.
මෙම විරෝධය ආණ්ඩු විරෝධී මතවාද පෝෂණය කිරීම වෙනුවෙන් යම් පිරිසක් සිදුකල කඩාකප්පල්කාරී ක්‍රියාවක් බවද ඔහු සඳහන් කළා.
About The Author
අත නොහැර කියවන තැන
මහජන ආරක්ෂක අමාත්‍යධුරය ෆොන්සේකාට – දුන්නොත් භාරගන්නවා ඉල්ලන්න අයිතියක් නෑ ෆොන්සේකා කියයි
ආණ්ඩුවේ ආයතනයකින් විමල්ගේ “සඳේ ගින්දර” නිවන්න හදලා – නිවන්න දෙන්නේ නෑ, වෙන තැනක සිට අවුලුවන බව කියයි – බාධා කළ අයට නීති මාර්ගයෙන් පියවර
මාධ්‍යවේදීයෙකු පැහැරගෙන ගොස් මරා දැමීමට තැත්කළ බවට සැක හිටපු හමුදා බුද්ධි නිලධාරීන් දෙදෙනෙකු අත්අඩංගුවට