පොසොන් සතියේදී අනුරාධපුර ප්‍රදේශයේ සුරාසැල් විවෘත කිරීමට ඉඩ ලබා දීම පිළිබඳව තම අප්‍රසාදය පළකරන බව මිහින්තලා රජමහා විහාරාධිපති වලවාහැංගුණවැවේ ධම්මරතන හිමියෝ කියා සිටිති.
සංචරණ සීමා ලිහිල් කිරීමෙන් පසු අනුරාධපුර නගරයේ මත්පැන් හල් විවෘත කර ඇති අතර ඒවායෙන් මිලදී ගැනීමට ද විශාල පිරිසක් පැමිණෙමින් සිටින බවයි වාර්තාවන්නේ.
කෙසේ වෙතත් මීට පෙර සෑම වසරකම පොසොන් උත්සවය පැවැත්වෙන සතිය පුරාම අනුරාධපුර දිස්ත්‍රික්කයේ සියලු සුරාසල් සහ මස් කඩ තාවකාලිකව වසා දැමීම සිදුවුණා.
නමුත් මෙවර එම කාල සීමාවේ සුරාසැල් විවෘත කර තිබීම ගැටළුවක් බවත් ඒ සම්බන්ධයෙන් තම දැඩි විරෝධය පළකර සිටින බවත් වලවාහැංගුණවැවේ ධම්මරතන හිමියෝ සඳහන් කරන්නට යෙදුනා.
යහපාලන රජය සමයේ පොසොන් උත්සවය රාජ්‍ය උත්සවයක් ලෙස ගැසට් කර ඇති බවත් එම නිර්දේශද නොතකා මේ වන විට පන්සල් වසා බාර් අරින තැනට වැඩ සැලසී ඇති බවත් මේ පිළිබඳ අප කල විමසීමේදී අදහස් දක්වමින් උන්වහන්සේ වැඩිදුරටත් සඳහන් කළා.
කෙසේ වෙතත් මේ සම්බන්ධයෙන් කළ විමසීමකදී අනුරාධපුර දිස්ත්‍රික් ලේකම්වරයා සඳහන් කර තිබෙන්නේ මෙවර පොසොන් සතියක් ක්‍රියාත්මක නොවන බවත් ඒ නිසා ජනතාව ඒකරාශී වීමක් සිදු නොවන නිසා මෙම කාලසීමාවේ සුරාසල් විවෘත කිරීම කිරීමේ වරදක් නැති බවයි.
එමෙන්ම ඒ සම්බන්ධයෙන් මෙවර පොසොන් උත්සව කමිටුව රැස්වී තීරණය කර නැති බවද ඔහු තවදුරටත් සඳහන් කර තිබෙනවා.
About The Author
අත නොහැර කියවන තැන
මහජන ආරක්ෂක අමාත්‍යධුරය ෆොන්සේකාට – දුන්නොත් භාරගන්නවා ඉල්ලන්න අයිතියක් නෑ ෆොන්සේකා කියයි
ආණ්ඩුවේ ආයතනයකින් විමල්ගේ “සඳේ ගින්දර” නිවන්න හදලා – නිවන්න දෙන්නේ නෑ, වෙන තැනක සිට අවුලුවන බව කියයි – බාධා කළ අයට නීති මාර්ගයෙන් පියවර
මාධ්‍යවේදීයෙකු පැහැරගෙන ගොස් මරා දැමීමට තැත්කළ බවට සැක හිටපු හමුදා බුද්ධි නිලධාරීන් දෙදෙනෙකු අත්අඩංගුවට