රාගම වෛද්‍ය පීඨ සිසුන්ට ඇතුළටම ඇවිත් ගහලා : ආණ්ඩුවේ ඇමතිවරයෙකුට චෝදනා

ඇමති අරුන්දික ප්‍රනාන්දුගේ පුද්ගලික කාර්යමණ්ඩලයේ සාමාජිකයෙකු සහ ආණ්ඩුවේ වාහනයක් සිසුන් විසින් අල්ලා ගනී

අද අළුයම රාගම වෛද්‍ය පීඨයේ නේවාසිකාගාරයේ සිටි සිසුන්ට පහරදුන් මැර පිරිස පැමිණ ඇත්තේ රජයේ වාහනවලින් බවට හෙළිදරව් වී ඇති බවට මේ වන විට තොරතුරු වාර්තාවෙමින් තිබෙනවා.

සිසුන්ගේ ප‍්‍රති ප‍්‍රහාර හේතුවෙන් මැර පිරිස එක් වාහනයක් දමා පලා ගොස් ඇති අතර එම වාහනය පොල් සංවර්ධන මණ්ඩලයට අයත් එකක් බවයි පැවසෙන්නේ.

පහර දීම සඳහා පැමිණි කණ්ඩායමේ පුද්ගලයෙකු සිසුන් විසින් ඔවුන්ගේ භාරයට ගෙන ඇති අතර එම පුද්ගලයාගේ රාජකාරි හැදුනුම්පතේ සදහන්ව ඇත්තේ රාජ්‍ය අමාත්‍ය අරුන්දික ප්‍රනාන්දු මහතාගේ පුද්ගලික කාර්ය මණ්ඩලයේ සාමාජිකයෙකු බවයි.

රාගම වෛද්‍ය පීඨයේ නේවාසිකාගාරයට එල්ල වූ අදාළ ප්‍රහාරය හේතුවෙන් තුවාල ලැබු සිසුන් තිදෙනෙක් රාගම ශික්ෂණ රෝහලට ඇතුළත් කර ඉන් එක් අයෙක් මීගමුව රෝහලට මාරු කර යැවූ බව පොලීසිය සඳහන් කරනවා.

About The Author

Editor

See author's posts