නිවේදනයක් නිකුත් කරමින් සමස්ත ලංකා ජමියාතුල් උලමා සංවිධානය පවසන්නේ ඉස්ලාමීය ආගමික හා සිවිල් සංවිධානවල අදහස් සැලකිල්ලට නොගෙන අමාත්‍ය මණ්ඩලය විසින් මුස්ලිම් විවාහ හා දික්කසාද නීති සංශෝධනය කිරීමට තීරණය කර ඇති බවයි.
ඉස්ලාම් ආගමික ඉගැන්වීම් වලට සහ මූලධර්මයන් වලට අනුකූලව අදාළ තීරණ පිළිබඳ නැවත සමාලෝචනයක් සිදු කරන ලෙස සමස්ත ලංකා ජමියාතුල් උලමා සංවිධානය අධිකරණ අමාත්‍යවරයාගෙන් ඉල්ලා තිබෙනවා.
සමස්ත ලංකා ජමියාතුල් උලමා සංවිධානය නිකුත් කළ මාධ්‍ය නිවේදනය (දළ සිංහල පරිවර්තනය)
මුස්ලිම් විවාහ හා දික්කසාද පනත සම්බන්ධයෙන් අමාත්‍ය මණ්ඩලය විසින් ගනු ලැබූ තීරණය පිළිබඳවයි
ඉස්ලාමීය ආගමික ඉගැන්වීම් හා සංස්කෘතික පිළිවෙත් වලට අනුකූලව මුස්ලිම් ප්‍රජාව අතර වසර 1000 කට වැඩි කාලයක් පුරා මුස්ලිම් පවුල් නීති ශ්‍රී ලංකාවේ ක්‍රියාත්මක විය. මෙම සිරිත් විරිත් නීති ලන්දේසි සහ ඉංග්‍රීසි යටත් විජිත යුගයේ සිට සහ නිදහසින් පසු යුගයේ සිට අද දක්වා ක්‍රියාත්මක කරන ලද අතර, මුස්ලිම් ප්‍රජාවේ ආගමික හා සංස්කෘතික සම්බන්ධ බැවින් ප්‍රජා නියෝජිතයින්ගේ නිසි උපදෙස් මත වරින් වර සංශෝධන වලට භාජනය විය.
මෙම සන්දර්භය තුළ, මුස්ලිම් විවාහ හා දික්කසාද පනත ප්‍රකාරව යම් යම් ප්‍රතිසංස්කරණ අවශ්‍ය බව අප ද එකඟ වෙමු. විශේෂයෙන් මෙම ප්‍රතිසංස්කරණ තුළින් මුස්ලිම් කාන්තාවන්ගේ දුක්ගැනවිලි විසඳිය යුතුය.
මෙම කාරණය මුස්ලිම්වරුන් විසින් අනුගමනය කරනු ලබන ආගම සම්බන්ධයෙන් වන බැවින්, අපගේ ස්ථාවරය වන්නේ ආගමේ මූලික ඉගැන්වීම් සැලකිල්ලට ගනිමින් සුදුසු ප්‍රතිසංස්කරණ සිදු කළ යුතු බවත්, අදාළ පාර්ශවකරුවන්ගේ අදහස් සැලකිල්ලට ගනිමින් නිසි උපදෙස් ලබා ගත යුතු බවත් ය.
ඒ අනුව, ACJU විසින් විවිධ අවස්ථා වලදී පවත්නා මුස්ලිම් පුද්ගලික නීතිවල අවශ්‍ය ප්‍රතිසංස්කරණ පිළිබඳව සිය අදහස් ඉදිරිපත් කර ඇත.
කෙසේ වෙතත්, ඉස්ලාමීය ආගමික හා සිවිල් සංවිධානවල අදහස් සැලකිල්ලට නොගෙන මුස්ලිම් විවාහ හා දික්කසාද පනත සම්බන්ධයෙන් අමාත්‍ය මණ්ඩලය යම් යම් තීරණ ගැනීමට කටයුතු කිරීම කනගාටුවට කරුණකි. ACJU මෙම කාරණය සම්බන්ධයෙන් සිය අප්‍රසාදය හා අප මුහුණ පා ඇති අපහසුතාවය මින් ප්‍රකාශ කරමු.
මේ අනුව, අමාත්‍ය මණ්ඩලය විසින් ගනු ලැබූ ඉහත තීරණ, නැවත ඇගයීමට ලක් කරන ලෙස ACJU රජයෙන් සහ අධිකරණ අමාත්‍යවරයාගෙන් කාරුණිකව ඉල්ලා සිටින අතර කිසිවෙකුට අයුක්තියක් සිදු නොවීමටත්, අපගේ ජාතියේ බහු සංස්කෘතික විවිධත්වය තහවුරු කිරීමටත්, රටේ සියලුම පුරවැසියන්ගේ අයිතිවාසිකම්වලට ගෞරව කිරීමත් අප බලාපොරොත්තු වෙමු.
රටේ සහ ශ්‍රී ලංකා මුස්ලිම් ප්‍රජාවේ යහපත හා සංවර්ධනය වෙනුවෙන් ඉහත සඳහන් නිර්ණායක මත පදනම්ව ගනු ලබන සෑම තීරණයකටම සහාය දෙන බව අප නැවත අවධාරණය කරන්නෙමු.
අපේ රටේ යහපත උදෙසා ගනු ලබන සෑම තීරණයක්ම අපේ රටට සහ අපේ අනාගත පරම්පරාවට යහපත් යහපත්කමක් ලබා දෙන ලෙස අපි යාච්ඤා කරමු.
About The Author
අත නොහැර කියවන තැන
මහජන ආරක්ෂක අමාත්‍යධුරය ෆොන්සේකාට – දුන්නොත් භාරගන්නවා ඉල්ලන්න අයිතියක් නෑ ෆොන්සේකා කියයි
ආණ්ඩුවේ ආයතනයකින් විමල්ගේ “සඳේ ගින්දර” නිවන්න හදලා – නිවන්න දෙන්නේ නෑ, වෙන තැනක සිට අවුලුවන බව කියයි – බාධා කළ අයට නීති මාර්ගයෙන් පියවර
මාධ්‍යවේදීයෙකු පැහැරගෙන ගොස් මරා දැමීමට තැත්කළ බවට සැක හිටපු හමුදා බුද්ධි නිලධාරීන් දෙදෙනෙකු අත්අඩංගුවට