එළවලු පළතුරු ජනතාවට නොමිලයේ බෙදා හැරීමේ වැඩ පිළිවෙලක්
සංචරණ සීමා පැවතීමත් සමඟ අර්බුදයට ලක්ව ඇති ඇතැම් ගොවීන්ගේ අස්වැන්න මිලදී ගෙන එම අස්වැන්න මහජනතාවට නොමිලේ ලබාදීමේ වැඩසටහනක් ආරම්භ කරන ලෙස ජනාධිපතිවරයා උපදෙස් ලබාදී ඇතැයි අමාත්‍ය මහින්ද අමරවීර මහතා පවසනවා.
දිවයිනේ බොහෝ ප්‍රදේශවල වගා කර ඇති පැපොල්, කෙසෙල්, මඤ්ඤොක්කා, පළතුරු, එළවළු අස්වනු නෙලා ගත්ත ද ඒවා බෙදා හැරීම සඳහා ගැණුම්කරුවන්ට පැමිණීමට ඇති අපහසුව සලකා ජනාධිපතිවරයා විසින් මෙම තීරණය ගෙන ඇති බවයි වාර්තා වන්නේ.
ඒ අනුව ජනතාවට මෙන්ම කොරෝනා වසංගතය මැඬ පැවැත්වීම සඳහා කැපවී සිටින සෞඛ්‍ය, ආරක්ෂක ඇතුලු අනෙකුත් කාර්ය මණ්ඩලවලට එම අස්වැන්න නොමිලේ බෙදාදීමට වැඩ පිළිවෙලක් සකස් කරන ලෙස උපදෙස් ලබා දී තිබෙනවා.
ගොවියෝ සහ වෙළඳුන් අදත් නන්නත්තාර යි
කෙසේ වෙතත් අද (03) දිනයේ ද දිවයින පුරා ආර්ථික මධ්‍යස්ථාන රැසක එළවලු සහ පළතුරු තොග කිලෝ දහස් ගණනක් අළෙවි කර ගත නොහැකි වීමෙන් ගොවීන් සහ වෙළඳුන් දැඩි අර්බුධයකට මුහුණ දුන් බවයි වාර්තාවන්නේ.
පවතින තත්වය හේතුවෙන් ඔවුන්ට සිදුව තිබෙන්නේ තම අස්වැන්නෙන් විශාල ප්‍රමාණයක් විනාශ වී යන්නට දී බලා සිටීම පමණක් බවයි අදාළ ප්‍රදේශ වල අප වාර්තාකරුවන් සඳහන් කළේ.
About The Author
අත නොහැර කියවන තැන
මහජන ආරක්ෂක අමාත්‍යධුරය ෆොන්සේකාට – දුන්නොත් භාරගන්නවා ඉල්ලන්න අයිතියක් නෑ ෆොන්සේකා කියයි
ආණ්ඩුවේ ආයතනයකින් විමල්ගේ “සඳේ ගින්දර” නිවන්න හදලා – නිවන්න දෙන්නේ නෑ, වෙන තැනක සිට අවුලුවන බව කියයි – බාධා කළ අයට නීති මාර්ගයෙන් පියවර
මාධ්‍යවේදීයෙකු පැහැරගෙන ගොස් මරා දැමීමට තැත්කළ බවට සැක හිටපු හමුදා බුද්ධි නිලධාරීන් දෙදෙනෙකු අත්අඩංගුවට