නවතම පුවත්

අපට තවම සාධාරණයක් වෙලා නෑ : මහා වකුගඩු ජාවාරම ගැන වකුගඩුම කතා කරයි

දරුවන්ට කිරි ඩිංගක් විදියක් දීගන්න විදියක් තිබුණේ නෑ

සදුන් එක්ක බායි ආවා – දෙන්නම බායි කියලම ගිහින්

බොරැල්ල වෙස්ටර්න් රෝහල කේන්ද්‍ර කර ගනිමින් සිදු වූ බවට චෝදනා එල්ල වූ වකුගඩු සහ වෘෂණ කෝෂ ජාවාරම පිළිබඳ මේ වන විට සිදු වන පරීක්ෂණ හරහා තමන්ට කිසිදු සාධාරණයක් ඉටු වී නොමැති බව වකුගඩු ප්‍රදානය කළ පිරිස් පවසනවා.

අන්තර්ජාල නාලිකාවක් සමඟ සාකච්ඡාවකට එක් වෙමින්.

මෙම ජාවාරමට සම්බන්ධ වෙමින් වකුගඩු බද්ධයට අදාළ සම්බන්ධීකරණය සිදු කළ සඳුන් නමැති පුද්ගලයෙකු සහ බායි නමැති පුද්ගලයෙකු පිළිබඳ කරුණු හෙළි කරමින් අසාධාරණයට ලක් වූ පිරිස පවසන්නේ රෝහල මගින් ද වකුගඩු ප්‍රධානය කිරීමෙන් පසු සන්තෝෂමක් ලෙස තමන්ට ලැබුණු මුදල් පවා අදාළ පුද්ගලයින් විසින් වංචා කර ඇති බවයි.

සිදුවීමට සම්බන්ධ වෙස්ටර්න් රෝහලේ හිමිකරු විසින් වකුගඩු පරිත්‍යාග කල පුද්ගලයින්ට මෙලෙස සන්තෝෂම් වශයෙන් මුදල් ලබා දී ඇති බවත් ඒවා අදාළ වකුගඩු විකිණීමේ ගණුදෙනුවට සම්බන්ධ නොමැති බවත් පවසන අගතියට ලක්වුවන් චෝදනා කරන්නේ තමන් සහ රෝහල අතර සම්බන්ධීකරණය ගොඩනගා එක වකුගඩුවක් සඳහා රුපියල් ලක්ෂ 90ක මුදලක් ලබා දෙන බවට පොරොන්දු වූ සඳුන් සහ බායි නැමති පුද්ගලයින් අසරණ තමන්ව බරපතළ රැවටීමකට ලක් කළ බවයි.