තම පොලිස් ස්ථානාධිපතිවරයාගේ සහ දේශපාලකයන්ගේ අනිසි බලපෑම් හේතුවෙන් තමන්ට පොලිස් රාජකාරී කටයුතු සිදු කිරීමට නොහැකි වී ඇති බව පවසන පුද්ගලයෙකුගේ වීඩියෝවක් අප වෙත ලැබී තිබෙනවා.
අලුත්ගම පොලිස්ථානයට අනුයුක්තව උප පොලිස් පරීක්ෂකවරයෙකු ලෙස කටයුතු කරන තමන්ට, අලුත්ගම පොලිසියේ ස්ථානාධිති අශෝක කරුණාරත්න මහතාගේ බලපෑම හේතුවෙන් රාජකාරී කළ නොහැකි බවයි ඔහු පවසන්නේ.
තමන් අත්අඩංගුවට ගත් සැකකරුවෙකු ස්ථානාධිපතිවරයා විසින් මුදාහැර ඇති බව ද පවසන අදාළ පුද්ගලයා සඳහන් කරන්නේ දිගින් දිගටම තම රාජකාරියට එල්ලවන බලපෑම හේතුවෙන් තමන් විශාල පීඩාවකට මුහුණ දෙන බවයි,
එබැවින් මෙවැනි වටපිටාවක් තුළ රාජකාරී සිදුකල නොහැකි බව ද ඔහු සඳහන් කරනවා.
මේ වන විට පොලිස් සේවය දේශපාලන බලපෑම් වලට යටත් වී ඇති බවත්, මේ තුළ නීතිය නිසි අයුරින් ක්‍රියාත්මක නොවන බවත් ඔහු සඳහන් කරන්නේ අලුත්ගම පොලිස් ස්ථානය ඉදිරිපිට සිටිමින් තම ජංගම දුරකථනයක් හරහා ප්‍රකාශයක් සිදු කරමින් වීම විශේෂත්වයක්.
පොලිස් ස්ථානාධිපතිවරයාගේ ප්‍රතිචාරය
මෙම සිද්ධිය සම්බන්ධයෙන් අදහස් දැක්වූ අලුත්ගම පොලිසියේ ස්ථානාධිපති අශෝක කරුණාරත්න මහතා සඳහන් කළේ අදාළ පොලිස් නිලධාරියා මානසික ආබාධයකින් පෙළෙන පුද්ගලයෙකු බවයි.
එබැවින් ඔහුට වගකීම් සහිත රාජකාරි කටයුතු නොපවරන බවද පොලිස් ජනාධිපතිවරයා අපට සඳහන් කළා.
About The Author
අත නොහැර කියවන තැන
මහජන ආරක්ෂක අමාත්‍යධුරය ෆොන්සේකාට – දුන්නොත් භාරගන්නවා ඉල්ලන්න අයිතියක් නෑ ෆොන්සේකා කියයි
ආණ්ඩුවේ ආයතනයකින් විමල්ගේ “සඳේ ගින්දර” නිවන්න හදලා – නිවන්න දෙන්නේ නෑ, වෙන තැනක සිට අවුලුවන බව කියයි – බාධා කළ අයට නීති මාර්ගයෙන් පියවර
මාධ්‍යවේදීයෙකු පැහැරගෙන ගොස් මරා දැමීමට තැත්කළ බවට සැක හිටපු හමුදා බුද්ධි නිලධාරීන් දෙදෙනෙකු අත්අඩංගුවට