සුදුළූණු වංචාව සම්බන්ධයෙන් පලකල මාධ්‍ය වාර්තාවක් පිළිබදව සිදුකෙරන විමර්ශනයකදී අපරාධ පරීක්ෂණ දෙපාර්තමේන්තුවේ නිලධාරීන් වගකීම් විරහිතව සහ නොසැලකිලිමත් ලෙස කටයුතු කර ඇති බව පොලිස් මූලස්ථානයම නිවේදනය කරනවා.
පසුගිය දිනෙක අපරාධ පරීක්ෂණ දෙපාර්තමේන්තුවේ නිලධාරීන් පිරිසක් බන්දුල ගුණවර්ධන මහතා විසින් සිදුකර ඇති පැමිණිල්ලකට අදාළව මාධ්‍ය ආයතන කිහිපයක කතුවරුන් ඇතුළු මාධ්‍යවේදීන් කිහිප දෙනෙකුට එම දෙපාර්තමේන්තුව වෙත පැමිණෙන ලෙස දන්වා තිබුණා.
පොලීස් මුලස්ථානය නිවේදනය කරන්නේ මෙම තත්ත්වය අපරාධ පරීක්ෂණ දෙපාර්තමේන්තුවේ සාමාන්‍ය පටිපාටිය නොවන බවයි.
අපරාධ පරීක්ෂණ දෙපාර්තමේන්තුව විසින් විමර්ශන සඳහා යම් මාධ්‍ය ආයතනයක සහය ඉල්ලා සිටි අවස්ථාවලදී එම මාධ්‍ය ආයතන විසින් සහය ලබාදෙන බැවින් පුවත්පත් කතෘවරුන් එම දෙපාර්තමේන්තුව වෙත කැඳවීම සාමාන්‍යයෙන් සිදු නොකෙරෙන බව එම නිවේදනයේ සදහන්.
එම සිදුවීමේදී අපහසුතාවයට පත්වූ පුවත්පත් කතෘවරුන් ඇතුළු මාධ්‍යවේදීන් වෙත කණගාටුව පලකරන බවත් එලෙස වගකීම් විරහිතව, නොසැලකිලිමත් ආකාරයෙන් කටයුතු කළ අපරාධ පරීක්ෂණ දෙපාර්තමේන්තුවේ නිලධාරීන් සම්බන්ධයෙන් පොලිස්පති නියමයෙන් විමර්ශනයක් ආරම්භ කර ඇති බවත් පොලිස් මූලස්ථානය නිවේදනය කරනවා.
About The Author
අත නොහැර කියවන තැන
මහජන ආරක්ෂක අමාත්‍යධුරය ෆොන්සේකාට – දුන්නොත් භාරගන්නවා ඉල්ලන්න අයිතියක් නෑ ෆොන්සේකා කියයි
ආණ්ඩුවේ ආයතනයකින් විමල්ගේ “සඳේ ගින්දර” නිවන්න හදලා – නිවන්න දෙන්නේ නෑ, වෙන තැනක සිට අවුලුවන බව කියයි – බාධා කළ අයට නීති මාර්ගයෙන් පියවර
මාධ්‍යවේදීයෙකු පැහැරගෙන ගොස් මරා දැමීමට තැත්කළ බවට සැක හිටපු හමුදා බුද්ධි නිලධාරීන් දෙදෙනෙකු අත්අඩංගුවට