කොටස් වෙළඳ පොළේ ලියාපදිංචියටත් සූදානම්
තාක්ෂණ උද්‍යාන සංවර්ධන සමාගම නමින් නව සමාගමක් ස්ථාපිත කිරීම කැබිනට් මණ්ඩලය අනුමැතිය ලබාදී තිබෙනවා.
ඒ තාක්ෂණික උද්‍යාන ස්ථාපිත කිරීමේ ජයේ වැඩපිළිවෙළ ක්‍රියාත්මක කිරීම අරමුණු කරගනිමින්.
අදාල සමාගම මහා භාණ්ඩාගාර ලේකම්වරයාට සම්පූර්ණ කොටස් අයිතිය ලැබෙන පරිදි ස්ථාපිත කිරීමටත් එහි කොටස් ආයෝජනය කිරීම සඳහා ආයෝජකයන්ට අවස්ථාව ලැබෙයි කොටස් වෙළෙඳපොළ තුළ ලියාපදිංචි කිරීමටත් තීරණය කර ඇති බවයි වාර්තා වන්නේ.
එයට අදාළ කැබිනට් තීරණය පහළින්..
තාක්ෂණ උද්‍යාන ස්ථාපිත කිරීම-
ගාල්ල, කුරුණෑගල, අනුරාධපුරය, නුවර සහ මඩකළපුව යන දිස්ත්‍රික්කවල තාක්ෂණ උද්‍යාන 05ක් ස්ථාපිත කිරීම සඳහා 2021 අයවැය මඟින් යෝජනා කර ඇත. ඒ අනුව, අධිවේගී මාර්ග ජාලයට ප්‍රවේශ වීමේ පහසුකම, සංචාරක ආකර්ෂණය, අවශ්‍ය මානව සම්පත් පැවතීම හා අනෙකුත් අවශ්‍යතාවන් සැලකිල්ලට ගෙන අදාළ තාක්ෂණ උද්‍යාන ස්ථාපිත කිරීම සඳහා යෝග්‍ය ස්ථානයන් තාක්ෂණ අමාත්‍යාංශය විසින් හඳුනාගෙන ඇත. යෝජිත ව්‍යාපෘති වාණිජමය ව්‍යවසායයන් වශයෙන් ක්‍රියාත්මක කිරීමට හැකි වනු පිණිස භාණ්ඩාගාර ලේකම්ට මුළු කොටස් අයිතිය හිමි වන පරිදි තාක්ෂණ උද්‍යාන සංවර්ධන සමාගම යනුවෙන් සමාගමක් ස්ථාපිත කිරීමටත්, ඉදිරියේදී එම සමාගම කොළඹ කොටස් වෙ‍ෙළඳපොළේ ලියාපදිංචි කර පෞද්ගලික ආයෝජකයින්ට ද අදාළ ව්‍යාපෘතියට සහභාගිවීම සඳහා අවස්ථාව සලසා දීමටත් සැලසුම් කර ඇත. ඒ අනුව, යෝජිත ව්‍යාපෘතිය ක්‍රියාත්මක කිරීම සඳහා ඉදිරි පියවර ගැනීම පිණිස තාක්ෂණ අමාත්‍ය වශයෙන් අතිගරු ජනාධිපතිතුමා ඉදිරිපත් කළ යෝජනාව අමාත්‍ය මණ්ඩලය විසින් අනුමත කරන ලදී.
About The Author
අත නොහැර කියවන තැන
ආණ්ඩුවට එරෙහිව 21 වෙනිදා නුගේගොඩ වෙන්න යන දේ?
අර්බුධය ඉවර කරමින් මෙරටට හාල් තොගයක්…..
නිධන් සෙවු පිරිසක් අත්අඩංගුවට