දේශපාලන පළිගැනීම් පිළිබඳ සොයාබැලීමේ ජනාධිපති පරීක්ෂණ කොමිශන් සභාව වෙත ලැබුණු තවත් පැමිණිලි දෙකක සාක්ෂි විමසීමේ කටයුතු අද(28) ආරම්භ වෙයි.
එහි පොලිස් ඒකකය මගින් මූලික විමර්ශන අවසන් කර ජනපති කොමිසම වෙත යොමු කළ පැමිණිලි දෙකක සාක්ෂි විමසීම මෙලෙස ආරම්භ කෙරෙන බවයි එහි ප්‍රකාශකයෙකු පැවසුවේය.
2012 වසරේදී වැලිකඩ බන්ධනාගාරයේ සිදුවූ කලහකාරී සිද්ධිය සම්බන්ධයෙන් අසත්‍ය කරුණු මත පදනම්ව තමන්ට එරෙහිව චෝදනා ගොනු කළ බව පවසමින් හිටපු බන්ධනාගාර කොමසාරිස් එමිල් රන්ජන් ළමාහේවා මහතා විසින් පැමිණිල්ලක් ඉදිරිපත් කර තිබුණි.
ඊට අදාලව සාක්ෂි ලබාදිම සදහා එමිල් රංජන් ළමාහේවා මහතා අද දේශපාලන පලිගැනීම් පිළිබඳ සොයාබැලීමේ ජනාධිපති පරීක්ෂණ කොමිශන් සභාව හමුවේ පෙනී සිටීමට නියමිතයි.
මේ අතර පොලිස් පරීක්ෂක නියෝමාල් රංගජිව මහතා ජනාධිපති කොමිසම වෙත පෙනී සිටීමට නියමිතව තිබේ.
සිද්ධීන් කිහිපයකට අදාලව තමන්ට එරෙහිව අසත්‍ය චෝදනා ගොනු කිරීම සහ තමා වැඩ තහනමට ලක් කිරීම දේශපාලන පලිගැනීම් හේතුවෙන් සිදුවුවක් බව පවසමින් නියෝමාල් රංගජීව මහතා විසින් කොමිසම වෙත සිදුකළ පැමිණිල්ලකට අදාලව සාක්ෂි ලබාදිම සදහා ඔහු කොමිසම හමුවේ අද දිනයේ පෙනී සිටින බව එහි ප්‍රකාශකයෙකු පැවසුවේය.
About The Author
අත නොහැර කියවන තැන
මහජන ආරක්ෂක අමාත්‍යධුරය ෆොන්සේකාට – දුන්නොත් භාරගන්නවා ඉල්ලන්න අයිතියක් නෑ ෆොන්සේකා කියයි
ආණ්ඩුවේ ආයතනයකින් විමල්ගේ “සඳේ ගින්දර” නිවන්න හදලා – නිවන්න දෙන්නේ නෑ, වෙන තැනක සිට අවුලුවන බව කියයි – බාධා කළ අයට නීති මාර්ගයෙන් පියවර
මාධ්‍යවේදීයෙකු පැහැරගෙන ගොස් මරා දැමීමට තැත්කළ බවට සැක හිටපු හමුදා බුද්ධි නිලධාරීන් දෙදෙනෙකු අත්අඩංගුවට