ලක්ෂ 400 ක් බිම අතුරයි
කොළඹ ජාතික කෞතුකාගාර ගොඩනැගිලි භූමිය තුළ තණ පිඩැලි ඇල්ලීම සඳහා රුපියල් ලක්ෂ 400ක් (මිලියන 40) වැය කිරීමට ජාතික කෞතුකාගාර දෙපාර්තමේන්තුව පියවර ගෙන තිබෙනවා.
කෞතුකාගාර භූමියේ තිබෙන තණ කොළ ඉඩෝරය පවතින කාලවලදී වියළීයාම මෙම නව තණ පිඩැලි ඇල්ලීමට හේතු ව බව වාර්තාවනවා.
ඒ අනුව, රජයේ මුදල් යොදවා එම භූමියෙහි පිහිටි අක්කර හතක ප්‍රදේශයක් තුළ තණ පිඩැලි ඇල්ලීම සිදුකෙරෙන අතර, ඒ සඳහා අවශ්‍ය සැලසුම් සහ උපදෙස් නාගරික සංවර්ධන අධිකාරිය මගින් ලබා දී තිබේ.
අදියර දෙකක් යටතේ මෙම වැඩපිළිවෙළ ක්‍රියාත්මක වන අතර, මූලික අදියර ලබන ජනවාරි 8 වන දින වනවිට අවසන් කර ඉන්පසුව දෙවැනි අදියර ආරම්භ කිරීමට නියමිතයි.
තණ පිඩැලි ඇල්ලීමෙන් පසුව එම භූමිය උද්භිද උද්‍යානයක් ලෙස අලංකාර කර දෙස් විදෙස් සංචාරකයන්ගේ ආකර්ෂණය දිනා ගන්නා ස්ථානයක් බවට පත් කරන බව ද ජාතික කෞතුකාගාර දෙපාර්තමේන්තුවේ අධ්‍යක්ෂ (සංස්කෘතික) සෙනරත් වික්‍රමසිංහ මහතා සඳහන් කරනවා.
පිටස්තර කිසිවෙකුටත් නොපෙනෙන ආකාරයට කොළඹ හතේ පිහිටි ජාතික කෞතුකාගාරය දින කිහිපයක් තිස්සේ වසා දමා ඇත්තේ කුමන හේතුවක් නිසා දැයි මාධ්‍ය ආයතනයකින් කළ විමසුමකට පිළිතුරු දෙමින් අධ්‍යක්ෂවරයා එසේ සඳහන් කර තිබෙනවා.
About The Author
අත නොහැර කියවන තැන
මහජන ආරක්ෂක අමාත්‍යධුරය ෆොන්සේකාට – දුන්නොත් භාරගන්නවා ඉල්ලන්න අයිතියක් නෑ ෆොන්සේකා කියයි
ආණ්ඩුවේ ආයතනයකින් විමල්ගේ “සඳේ ගින්දර” නිවන්න හදලා – නිවන්න දෙන්නේ නෑ, වෙන තැනක සිට අවුලුවන බව කියයි – බාධා කළ අයට නීති මාර්ගයෙන් පියවර
මාධ්‍යවේදීයෙකු පැහැරගෙන ගොස් මරා දැමීමට තැත්කළ බවට සැක හිටපු හමුදා බුද්ධි නිලධාරීන් දෙදෙනෙකු අත්අඩංගුවට