අප්‍රේල් 30 වැනිදා දක්වා මෙරට සියලුම පාසල් වසා දැමීමට තීරණය කළ බව කැබිනට් ප්‍රකාශක කෙහෙලිය රඹුක්වැල්ල ඇමතිවරයා පවසනවා.
ඒ අනුව රජයේ පාසල්, පෞද්ගලික පාසල්, පෙර පාසල්, පිරිවෙන් උපකාරක පන්ති හා අධ්‍යාපනයට අදාළ සියලු කටයුතු මේ අනුව අත්හිටුවිය යුතු බවද ඇමතිවරයා සඳහන් කලේ අද පැවති කැබිනට් තීරණ දැනුම් දීමේ මාධ්‍ය හමුවට එක්වෙමින්.
බස්නාහිර හා වයඹ පළාත හැර සෙසු පළාත්වල පාසල් අද (27) සිට වැඩ ඇරඹූවත් කොවිඩ් අවධානම හේතුවෙන් සිසුන් පාසල් වෙත පැමිණීමේ විශාල අඩුවක් දක්නට ලැබුණා.
එසේම ත්‍රීකුණාමලය, කුරුණැගල, අම්පාර, කෑගල්ල ඇතුලු දිස්ත්‍රික්ක ගණනාවක අධ්‍යාපන බලධාරීන් පාසල් වසා දැමීමට නිවේදනය කිරීම් හමුවේ තත්වය තව දුරටත් සංකීර්ණ වීම හමුවේ රජය විසින් මෙම තීරණය ගෙන තිබෙනවා.
අධ්‍යාපන අමාත්‍යංශ ආරංචි මාර්ග වලට අනුව ලබන (30) වන සිකුරාදා දිනය තෙක් වසා දැමෙන පාසල් ලබන සඳුදා (03) දා සිට නැවත ආරම්භ කරන බව පැවසුන ද පවතින තත්වය මත එවැනි තීරණයක් ගැනීමට නොහැකි වී ඇති බවයි පැවසෙන්නේ.
ඒ අනුව පාසල් ආරම්භ කරන දිනය පිළිබඳ මේ වන විට නිශ්චිත දිනයක් සඳහන් කළ නොහැකි වට පිටාවක් නිර්මාණය වී ඇති බවයි වාර්තාවන්නේ.
About The Author
අත නොහැර කියවන තැන
මහජන ආරක්ෂක අමාත්‍යධුරය ෆොන්සේකාට – දුන්නොත් භාරගන්නවා ඉල්ලන්න අයිතියක් නෑ ෆොන්සේකා කියයි
ආණ්ඩුවේ ආයතනයකින් විමල්ගේ “සඳේ ගින්දර” නිවන්න හදලා – නිවන්න දෙන්නේ නෑ, වෙන තැනක සිට අවුලුවන බව කියයි – බාධා කළ අයට නීති මාර්ගයෙන් පියවර
මාධ්‍යවේදීයෙකු පැහැරගෙන ගොස් මරා දැමීමට තැත්කළ බවට සැක හිටපු හමුදා බුද්ධි නිලධාරීන් දෙදෙනෙකු අත්අඩංගුවට