ලංකාවේ දරුවන්ගේ ඉරණම බ්‍රිතාන්‍යයේ පුවත් පත්වල ලියවේ

පෝළිම් ගැනත් ලියවේ

1948 නිදහසින් පසු රට මුහුණ දෙන දරුණුතම මූල්‍ය අර්බුදය සමඟ පොරබදිමින් සිටින ශ්‍රි ලංකාවේ මුද්‍රණ කඩදාසි අවසන් වීම හේතුවෙන් මිලියන ගණනක් සිසුන් සඳහා පැවැත්වීමට නියමිතව තිබු පාසල් වාර විභාග අවලංගු කර ඇති බව බ්‍රිතාන්‍යයේ පලවන The Guardian පුවත්පත අද වාර්තා කර තිබෙනවා.

“මූල්‍ය අර්බුදය දෂ්ඨ කිරීම හේතුවෙන් මුද්‍රණ කඩදාසි හිඟය මත ශ්‍රි ලංකාවේ පාසල් විභාග අවලංගු කරයි” යන සිරස්තලය සහිතව වාර්තා කර ඇති පුවත්පත් වාර්තාවේ ශ්‍රි ලංකාව මුහඅණ දී ඇති අර්බුදය පිලිබඳව විස්තරාත්මකව සටහන් කර තිබෙනවා.

එම පුවත වැඩිදුරටත් ප්‍රකාශ කරන්නේ “අධ්‍යාපන බලධාරීහු සෙනසුරාදා ප්‍රකාශ කළේ සඳුදා සිට ආරම්භවීමට නියමිතව තිබූ වාර විභාග, උග්‍ර කඩදාසි හිඟයක් හේතුවෙන් දින නියමයක් නොමැතිව කල් දැමූ බවත්, ආනයන සඳහා මුදල් සැපයීමට රජයට මුදල් හිඟ වූ බවත්ය.

තවද “අවශ්‍ය කඩදාසි සහ තීන්ත ආනයනය කිරීම සඳහා විදේශ විනිමය ලබා ගැනීමට මුද්‍රණකරුවන්ට නොහැකි බැවින් පාසල් විදුහල්පතිවරුන්ට පරීක්ෂණ පැවැත්විය නොහැක” යනුවෙන් බස්නාහිර පළාත් අධ්‍යාපන දෙපාර්තමේන්තුව ප්‍රකාශ කල බවත් එම වාර්තාව සඳහන් කරනවා.

“නිල ආරංචි මාර්ග පැවසුවේ මෙම ගැටලුව රටේ මිලියන 4.5 පමණ වූ සිසුන්ගෙන් තුනෙන් දෙකකට පමණ බලපෑමට ඉඩ ඇති බවයි.

ශ්‍රී ලංකාවේ වාර පරීක්ෂණ යනු වසර අවසානයේදී සිසුන් ඊළඟ ශ්‍රේණියට උසස් කරන්නේද යන්න තීරණය කිරීම සඳහා අඛණ්ඩ ඇගයීම් ක්‍රියාවලියක කොටසකි”.

එම පුවත්පත වැඩිදුරටත් ප්‍රකාශ කරනවා.එම පුවත් පත ශ්‍රි ලංකාවේ පවතින අර්බුදය පිලිබඳව වැඩිදුරටත් විස්තර දක්වා සිටිනවා.”අත්‍යවශ්‍ය ද්‍රව්‍ය ආනයනය සඳහා අවශ්‍ය විදේශ මුදල් සැපයීමට ප්‍රමාණවත් විදේශ විනිමය සංචිතයක් නොමැතිවීම නිසා ඇති වූ ආර්ථික අර්බුදයක් හේතුවෙන් ආනයනික ආහාර, ඉන්ධන සහ ඖෂධ හිඟයක් පවතින බව දක්නට ලැබේ.

මිලියන 22 ක ජනතාවක් ජීවත් වන දකුණු ආසියාතික රට මේ සතියේ නිවේදනය කලේ එහි නරක අතට හැරෙන විදේශ ණය අර්බුදය විසඳීම සඳහා IMF හී සහයෝගය ලබා ගැනීමට බලාපොරොත්තු වන බවයි.

සහයෝගයක් ලබා දෙන ලෙස ශ්‍රි ලංකාවේ ජනාධිපතිවරයා බදාදා හදිසියේ කල ඉල්ලීම සලකා බලන බව ජාත්‍යන්තර මූල්‍ය අරමුදලද සිකුරාදා තහවුරු කලේය.

“මේ වසරේ ලංකාව විසින් ණය ඩොලර් බිලියන 6.9 ක් පමණ ගෙවිය යුතු නමුත් එහි විදේශ මුදල් සංචිතය පෙබරවාරි මස අවසානයේ ඩොලර් බිලියන 2.3 ක් පමණක් විය. රජය විසින් විදුලිය විසන්ධි කිරීම සහ කිරිපිටි, සීනි, පරිප්පු සහ සහල් සලාක කිරීමත් සමඟ සිල්ලර බඩු සහ තෙල් සඳහා රට පුරා දිගු පෝලිම් නිර්මාණය වී තිබේ. මෙම වසර මුලදී ශ්‍රී ලංකාව සිය ප්‍රධාන ණයහිමියන්ගෙන් එකක් වන චීනයෙන් ණය ගෙවීම් කල් දැමීමට උදව් කරන ලෙස ඉල්ලා සිටි නමුත් බීජිං වෙතින් තවමත් නිල ප්‍රතිචාරයක් ලැබී නොමැත.”

එම පුවත් පත එලෙස ශ්‍රි ලංකාවේ පවතින අර්බුදය ගැන වාර්තා කර තිබුණි.