අග්‍රාමාත්‍ය ලේකම් කාර්යාලයේ විශේෂ වැඩසටහන් ව්‍යාපෘති අධ්‍යක්ෂකවරයකු ලෙස පෙනී සිටි පුද්ගලයකු විදේශයන්හි රැකියා සඳහා යවන බව කියමින් තරුණයන් රවටා රුපියල් ලක්ෂ ගණනින් මුදල් වංචා කර ඇතැයි පොලිසිය කියයි.
අග්‍රාමාත්‍ය ලේකම් කාර්යාලයේ එවැනි තනතුරක් නොදරන මොහු කාලයෙන් කාලයට විවිධ ප්‍රදේශවල ගැවසෙමින් මෙවැනි ආකාරයට මුදල් වංචා කිරීමේ නිරතව සිටින අයකු බවට තොරතුරු හෙළි විණි යැයි උසස් පොලිස් නිලධාරියෙක් ලංකාදීපයට පැවසීය.
මොහුට මෙවැනි ආකාරයට මුදල් වංචා කිරීමේ සිද්ධීන් ගණනාවක් සම්බන්ධයෙන් කාලයක් රිමාන්ඩ් භාරයේ පසුවී අධිකරණය මඟින් ඇප මත මුදා හැර සිටින අයකු බවද එම උසස් පොලිස් නිලධාරියා කීය
බදුල්ල ලුණුගල ප්‍රදේශයට මීට දින කිහිපයකට ඉහත දී පැමිණ ඇති මෙම පුද්ගලයා එම ප්‍රදේශයේ පිහිටි නවාතැන්පොළක ලැගුම්ගෙන සිටි අතරවාරයේ එහි සේවය කරන තරුණයකු දැන හඳුනා ගෙන ඔහුව විදෙස් රටක රැකියාවකට යවන බව පවසා රුපියල් එක් ලක්ෂ පනස් දහසක මුදලක් ලබාගෙන පලා ගොස් ඇතැයි පොලිසිය පවසයි
නවාතැන් පොලේ මොහුලැගුම්ගෙන සිටි දින දෙකක කාලය ඇතුලත කෑම බීමලබාගැනීම වෙනුවෙන් සහ කාමර කුලිය වූ රුපියල් 36000 ක මුදලක් ද ගෙවීම පැහැර හැර ඇති බව දපොලිසිය සඳහන් කරයි
About The Author
අත නොහැර කියවන තැන
ජනාධිපති අනුර කුමාර දිසානායක ජාතිය අමතා සිදු කළ විශේෂ ප්‍රකාශය
රට අනුරට යයි – අනුර ජනපති පුටුවට එයි
සෙනඟ 3000 ක පැකේජයක් ලක්ෂ 45 – පක්ෂයේ පාටින් ඇඳුම් අන්දා එවයි