2022 දෙසැම්බර් මාසයේ බලපෑ මැන්ඩෝස් සුළි කුණාටුව නිසා ඇති වූ සීත කාළගුණික තත්ත්වයෙන් උතුරු නැගෙනහිර මිය ගිය සතුන් සඳහා වන්දි වශයෙන් රුපියල් මිලියන 30ක මුදලක් වෙන් කිරීමට කෘෂිකර්ම අමාත්‍යාංශය තීරණය කර තිබෙි.
අධික සීතල නිසා උතුරු නැගෙනහිර ප්‍රදේශ රැසක ගවයෝ, හා එළුවෝ විශාල සංඛ්‍යාවක් මරණයට පත් වූහ.
මෙම සතුන් වෙනුවෙන් අදාල ගොවීන්ට වන්දි මුදලක් ලබා දිය යුතු යැයි කෘෂිකර්ම අමාත්‍ය මහින්ද අමරවීර මහතා කෘෂිකර්ම අමාත්‍යාංශයේ නිලධාරීන්ට උපදෙස් දුන්නේය.
ඒ අනුව මරණයට පත් වූ සතුන් සඳහා වන්දි මුදලක් වශයෙන් රුපියල් මිලියන 30.44ක මුදලක් වන්දි වශයෙන් ලබා දීමට පියවර ගෙන ඇත. ඊට අදාල චෙක්පත් කාෂිකර්ම අමාත්‍ය මහින්ද අමරවීර මහතා විසින් පශු සම්පත් අංශයේ අතිරේක ලේකම් වෛද්‍ය එල්. ඩබ්. එන්. සමරනායක මහතාහට බාර දුන්නේය. මිය ගිය සතුන්ට වන්දි මුදල් ලබා දීම උතුර හා නැගෙනහිර පළාත් කෘෂිකර්ම අධ්‍යක්ෂවරුන් මගින් සිදු කිරිමට නියමිතය.
මේ යටතේ වන්දි මුදල් ලබා දීම සඳහා උතුරු පළාතට රුපියල් මිලියන 18.53ක් හා නැගෙහිර පළාතට රුපියල් මිලියන 11.9ක් වශයෙන් වෙන් කර තිබේ.
ගවයෙක් සඳහා රුපියල් 20,000ක්, ගව පැටවෙක් සඳහා රු. 10,000ක්, එළුවෙක් සඳහා රු. 5000ක් හා එළු පැටවෙක් සදහා රු. 3000ක් වශයෙන් වන්දි මුදල් ලබා දීමට නියමිතය.
About The Author
අත නොහැර කියවන තැන
මහජන ආරක්ෂක අමාත්‍යධුරය ෆොන්සේකාට – දුන්නොත් භාරගන්නවා ඉල්ලන්න අයිතියක් නෑ ෆොන්සේකා කියයි
ආණ්ඩුවේ ආයතනයකින් විමල්ගේ “සඳේ ගින්දර” නිවන්න හදලා – නිවන්න දෙන්නේ නෑ, වෙන තැනක සිට අවුලුවන බව කියයි – බාධා කළ අයට නීති මාර්ගයෙන් පියවර
මාධ්‍යවේදීයෙකු පැහැරගෙන ගොස් මරා දැමීමට තැත්කළ බවට සැක හිටපු හමුදා බුද්ධි නිලධාරීන් දෙදෙනෙකු අත්අඩංගුවට