නවතම පුවත්

මහා ජන සේනාව : සජිත් පෙරටුව ජනපති ලේකම් කාර්යාලය වටලයි : සියල්ල හොල්මන් : ආණ්ඩුව සජිත් මෙල්ල කිරීමේ සැලසුම් සොයයි

සජිත් : පාඨලී : ෆොන්සේකා අත්වැල් බැඳ ගනිමින් සටන් බිමේ – සජිත් ජනපති , පාඨලී අගමැති ,සරත් ආරක්ෂක ඇමති වූ ආණ්ඩුවක් හදමු ජනතාව කියයි

රටතුළ උද්ගතව ඇති බරපතල ආර්ථික සහ සමාජ අර්බුදයට සහ ජනපීඩක ආණ්ඩුවේ ක්‍රියාකලාපයට විරෝධය පළකරමින් සමගි ජනබලවේගය සංවිධානය කළ විරෝධතාවය සඳහා බලාපොරොත්තු නොවූ මට්ටමේ අතිවිශාල ජනකායක් සහභාගී වීම පිළිබඳ මේ වන විට දේශපාලන ක්ෂේත්‍රය තුළ දැඩි අවධානයක් යොමුව තිබෙනවා.

එම විරෝධතාවයේදී සමගි ජනබලවේගය නියෝජනය කරමින් එහි සියලුම නායකයින් එක්ව සිටි අතර පසුගිය දිනවල විවිධ විරසකයන් සහ බෙදීම් ඇති බවට මාධ්‍ය ඔස්සේ වාර්තා වූ පාඨලී රණවක, ෆීල්ඩ් මාෂල් සරත් ෆොන්සේකා වැනි සමගි ජනබලවේගයේ නායකයින් එකට එක්ව රැළියේ ගමන් කිරීම විශේෂත්වයක්.

අපි ආවෙ මේ දුර්දාන්ත ආණ්ඩුවට ගෙදර යන්න කියන පණිවිඩය දෙන්න – විපක්ෂ නායක සජිත් “රට විනාසයි – පෙරට එන්න” ජන රැලිය අමතා කියයි !

දැන් අවුරුදු දෙකක් රටේ ජනතාව දුක් විඳින බවත් ජනතාවට තවත් මේ දුක උහුලන්න දෙන්න බැරි බවත් ජනතාව මේ තත්ත්වයට පත් කළේ රාජපක්ෂ ආණ්ඩුව නිසා වහාම මේ දුර්දාන්ත ආණ්ඩුව ගෙදර යයිද බවත් විපක්ෂ නායක සජිත් ප්‍රේමදාස මහතා පැවසීය.

තමන් මේ ස්ථානයට ආවේ මේ දූෂිත දුර්දාන්ත රාජපක්ෂ ආණ්ඩුව ආණ්ඩුව ගෙදර යවන වැඩපිළිවෙළට බවද ඒ මහතා කීය.දරාගත නොහැකි ජීවන වියදම, රටේ පවතින පොහොර හිඟය ඉන්ධන සහ ගෑස් අර්බුදය, විදුලි කප්පාදුව ඇතුළු ජනතාව මුහුණ දෙන පීඩනය මුල් කර ගනිමින් “රට විනාසයි දැන් ඇති” මැයෙන් සමගි ජන බලවේගය සංවිධානය කළ විරෝධතාවයෙන් අනතුරුව ජනාධිපති ලේකම් කාර්යාලය ඉදිරිපිටදී අදහස් දැක්වූ සමගි ජනබලවේගයේ නායක සහ විපක්ෂනායක සජිත් ප්‍රේමදාස මහතා මෙසේද කීය.“දුර්දාන්ත ජනතා විරෝධී රාජපක්ෂ ආණ්ඩුව ජන බලයෙන් ගෙදර යවන සටන අපි ආරම්භ කරල තියෙනවා.

වැඩ කරනවායි කියපු විරුවා අද වැඩි කරන විරුවා බවට පත්වෙලා. ජනතාව එදා කිව්වේ අතිගරු ජනාධිපතිතුමා කියලා. දැන් ජනතාව කියන්නේ ඇති ගරු ජනාධිපතිතුමා කියලා.ජනතාව මේ තරම් අසරණ තත්ත්වයට පත් කරලා තියෙන්නේ දුර්දාන්ත දුෂ්ට රාජපක්ෂ ආණ්ඩුව කියලා අපි මතක් කරන්න කැමතියි.

දැන් අවුරුදු දෙකක් රටේ ජනතාව දුක් විඳිනවා. ජනතාවට තවත් මේ දුක උහුලන්න දෙන්න බැහැ. ජනතාව මේ තත්ත්වයට පත් කළේ රාජපක්ෂ ආණ්ඩුවයි. අපි මේ ස්ථානයට ආවේ මේ දූෂිත දුර්දාන්ත රාජපක්ෂ ආණ්ඩුව ආණ්ඩුව ගෙදර යවන වැඩපිළිවෙළට කියලා මේ අවස්ථාවේදී ප්‍රකාශ කරන්න කැමතියි.

අපි ආවෙ රට කාබාසිනියා කරපු ආණ්ඩුවට ගෙදර යන්න කියන පණිවිඩය දෙන්න. උද්ධච්ච ජන හද ගැස්ම නොතේරෙන මේ ආණ්ඩුව ජනතා දුක අහන්න සූදානම් නැහැ. ජනතා දුක අහන්න සූදානම් නැති මේ ආණ්ඩුව ගෙදර යවන්න ඔබ සූදානම් ද කියලා අපි ජනතාවගෙන් අහනවා.

මේ ප්‍රජාතන්ත්‍රවිරෝධී ආණ්ඩුව පලවා හරින ගමන අපි අද සිට අඛණ්ඩව ක්‍රියාත්මක කරනවා. මේ ආණ්ඩුව ජන බලයෙන් ජන සවියෙන් ගෙදර යවන ගමන අපි ආරම්භ කරනවා. යැයිද විපක්ෂනායකවරයා එහිදී කීවේය.

රටපුරා ප්‍රවාහනය ඇණහිට ඇති මොහොතක විශාල ජනකායක් මෙලෙස විපක්ෂයේ විරෝධතාවයට එක වීම පිළිබඳ මේ වන විට දේශපාලනයේ විශේෂ කතාබහක් නිර්මාණය කර තිබෙනවා.

සජිත් ප්‍රේමදාසට ආණ්ඩුවෙන් චෝදනා පත්‍රයක් : ෆයිල් එළියට ගැනීමට සැරසෙයි

යහපාලනය සමයේ සජිත් ප්‍රේමදාස මහතා විසින් මධ්‍යම සංස්කෘතික අරමුදලට අයත් රුපියල් කෝටි දෙදහස් පන්සියයක් අයථා ලෙස පරිහරණය කිරීම සම්බන්ධයෙන් සිදුකරන ලද විමර්ශනයකට අදාළව ලිපි ගොනුව කරලියට ගැනීමේ සූදානමක් ඇති බව මේ වනවිට වාර්තා වෙමින් තිබෙනවා.

මේ පිළිබඳව විදුර වික්‍රමනායක මහතා විසින් පසුගියදා කරුණු දක්වා ඇති බවටද තොරතුරු වාර්තා වනවා.

අග්‍රාමාත්‍ය මහින්ද රාජපක්ෂ මහතාගේ උපදෙස් මත මෙම විමර්ශනය සිදු කෙරුණ ද අදාළ ලිපි ගොනු මෙතෙක් ඉදිරි පරීක්ෂණ නොමැති බවයි පැවසෙන්නේ.