පොහොට්ටුවේ තවත් මන්ත්‍රීවරයෙකු බුද්ධි අංශයට වැඩක් භාර දීමට යයි

උද්ඝෝෂකයින් සහ විරෝධතා කරුවන් පසුපස බුද්ධි අංශය

රටේ සිදුවන උද්ඝෝෂණ, වැඩවර්ජන පිටුපස සිටින පුද්ගලයන් පිළිබඳව සොය බැලීමක් සිදුකළ යුතු බව පොදුජන පෙරමුණේ පාර්ලිමේන්තු මන්ත්‍රී මිලාන් ජයතිලක මහතා පවසනවා.

උද්ඝෝෂණ, වැඩවර්ජන සිදු කරන්නේ සැබෑ ජනතා ප්‍රශ්න වෙනුවෙන්ද, වෘත්තීයවේදීන්ගේ සැබෑ ප්‍රශ්න වෙනුවෙද යන්න පිළිබඳව සොයා බැලිය යුතු බවයි මන්ත්‍රීවරයා පවසන්නේ.

මේ පිළිබඳව සොයා බැලීම සඳහා විශේෂ යාන්ත්‍රණයක්, කමිටුවක් පත්කළ යුතු බවත් උගතුන්, බුද්ධිමතුන් පමණක් නොව බුද්ධි අංශ පවා එම යාන්ත්‍රණයට ඇතුළත් කළයුතු බවත් අදාල යාන්ත්‍රණය පිහිටුවන ලෙස ජනාධිපති ගෝඨාභය රාජපක්ෂ මහතාගෙන් ඉල්ලා සිටින බවත් ඔහු සඳහන් කරනවා.

වසර 72 ක් පුරා රට ආපස්සට යාම සඳහා උද්ගෝෂණ, වැඩවර්ජන ප්‍රබල හේතුවක් බව පෙන්වා දෙන මන්ත්‍රීවරයා පවසන්නේ වැඩවර්ජන, උද්ගෝෂණ සිදු කරන පුද්ගලයන්ට රට ආපස්සට හැරවීමට තවදුරටත් ඉඩ ලබාදිය නොහැකි බවයි.

මේ අතර රාජ්‍ය බුද්ධි අංශ යොදාගනිමින් ආණ්ඩුවේම අමාත්‍යවරයෙකුව සිටි සුසිල් ප්‍රේමජයන්ත මහතා පිලිබද තොරතුරු සෙවූ ආකාරය පොදුජන පෙරමුණේ පාර්ලිමේන්තු මන්ත්‍රී තිස්ස කුට්ටිආරච්චි මහතා පසුගියදා හෙළි කළා.

About The Author