අනුරාධපුරයේ පාසල් කිහිපයකම කොරෝනා ආසාදිත දරුවන් සහ ගුරුවරුන්
පදවිය කෝන්කැටියාව විදුහලේ ප්‍රාථමික අංශයේ පන්ති තුනක සිසු දරුවන් සිවු දෙනකුට කොරෝනා ආසාදනය වී ඇති බවට තහවුරු වී තිබෙනවා.
මේ හේතුවෙන් දරුවන් 90ක් සහ ඔවුන්ගේ පවුල්වල සාමාජිකයින් නිවෙස් නිරෝධායනයට යොමු කර ඇති බවයි වාර්තාවන්නේ.
විදුහලේ 2,3 සහ 4 ශ්‍රේණිවල දරුවන් හතර දෙනෙකුට මෙලෙස වෛරසය ආසදනය වී ඇති අතර මේ වන විට පාසලේ අධ්‍යනය කටයුතු මුළුමනින්ම පාහේ නතර වී තිබෙනවා.
මේ අයුරින්ම තවත් ප්‍රදේශ කිහිපයකින්ම මෙවැනි සිදු වීම් වාර්තා වීමට පටන් ගෙන තිබෙනවා.
අනුරාධපුර දිස්ත්‍රික්කයේ කොවිඩ් ආසාදිතයන්ගේ වැඩිවීමක් වාර්තාවන බව වසංගත රෝග විද්‍යා අංශයේ අනුරාධපුර දිස්ත්‍රික් ඒකකයේ විද්‍යාඥ ආර්.එස්.බී. බණ්ඩාර මහතා ද පවසනවා.
මේ අතර නොච්චියාගම අධ්‍යාපන කලාපයේ නොච්චියාගම බණ්ඩාරනායක ප්‍රාථමික විද්‍යාලයේ විදුහල්පතිවරයා හා තුනවැනි ශ්‍රේණියේ සිසුවකුට කොවිඩ් ආසාදනයවී ඇති බව සෞඛ්‍ය අංශ අනාවරණය කරගැනීමත් සමග එම පන්තිය තාවකාලිකව වසාදමා තිබෙනවා.
මීට අමතරව කැකිරාව කැලෑව සුමන ප්‍රාථමික විද්‍යාලයේ සිසුවකුට කොවිඩ් ආසාදනයවී ඇති බව තහවුරු කර ගැනීමෙන් පසු එම පන්තිය තාවකාලිකව වසාදමා ආශ්‍රීතයින් ස්වයං නිරෝධායනයට ලක්කර තිබෙනවා.
පහළ හල්මිල්ලෑව විද්‍යාලයේ සිසුවකුටත් ආසාදනයවී ඇති බව තහවුරුවී ඇති අතර අනුරාධපුර ස්වර්ණපාලි බාලිකා ජාතික පාසලේ ගුරුවරුන් දෙදෙනකුට කොවිඩ් ආසාදනයවී ඇති බව ද සෞඛ්‍ය අංශ සඳහන් කරනවා.
මේ අයුරින් සෙසු දිස්ත්‍රික්ක වලද පාසල් දරුවන් රැසකට කොරෝනා අසාදනය වී ඇති බව සැක කරන නමුත් එම බොහෝ ප්‍රදේශ වල අහඹු PCR පරීක්ෂණ සිදු නොකිරීම හේතුවෙන් ආසදිතයින් වාර්තා නොවන තත්වයක් මතුව ඇති බව සෞඛ්‍ය අමාත්‍යංශයට ඉහළ පෙළේ නිලධාරිනියක අප සමඟ සඳහන් කළා.
ඇය පෙන්වා දෙන්නේ පාසල් ආරම්භ කිරීමත් සමග සිය වගකීම් අමතක කර දමමින් ජනතාව නොසැලකිලිමත් ලෙස කටයුතු කිරීම හේතුවෙන් මෙම තත්වය උද්ගත වී ඇති බවයි.
About The Author
අත නොහැර කියවන තැන
මහජන ආරක්ෂක අමාත්‍යධුරය ෆොන්සේකාට – දුන්නොත් භාරගන්නවා ඉල්ලන්න අයිතියක් නෑ ෆොන්සේකා කියයි
ආණ්ඩුවේ ආයතනයකින් විමල්ගේ “සඳේ ගින්දර” නිවන්න හදලා – නිවන්න දෙන්නේ නෑ, වෙන තැනක සිට අවුලුවන බව කියයි – බාධා කළ අයට නීති මාර්ගයෙන් පියවර
මාධ්‍යවේදීයෙකු පැහැරගෙන ගොස් මරා දැමීමට තැත්කළ බවට සැක හිටපු හමුදා බුද්ධි නිලධාරීන් දෙදෙනෙකු අත්අඩංගුවට