රටේ ප්රශ්න විසඳීම සඳහා පත් කෙරුණු ජාතික සභාව කමිටුවේ පළමු රැස්වීම කතානායක මහින්ද යාපා අබේවර්ධන මහතාගේ ප්රධානත්වයෙන් පාර්ලිමේන්තු සංකීර්ණයේදී අද (29) පෙරවරුවේ පැවැත්වුණු අතර එම රැස්වීමට ශ්රී ලංකා නිදහස් පක්ෂය, ජාතික ජන බලවේගය සහ දෙමළ ජාතික සන්ධානය යන පක්ෂවල මන්ත්රීවරුන් සහභාගී නොවීම විශේෂත්වයක්.
ජාතික සභාව රැස්වීමට විපක්ෂ නායක සජිත් ප්රේමදාස මහතා වෙනුවෙන් සහභාගී වූයේ විපක්ෂයේ ප්රධාන සංවිධායක මහනුවර දිස්ත්රික් පාර්ලිමේන්තු මන්ත්රී නීතිඥ ලක්ෂ්මන් කිරිඇල්ල මහතායි.
මීට අමතරව සමගි ජන බලවේගය නියෝජනය කරන සෙසු හවුල්කාර පක්ෂවල නායකයන් වන පාඨලී චම්පික රණවක, රවුෆ් හකීම්, මනෝ ගනේෂන් ,රිෂාඩ් බදුර්දීන් සහ පලනි දිගම්බරම් යන මන්ත්රීවරුද ශ්රී ලංකා නිදහස් පක්ෂයේ සිට ආණ්ඩුවට එක්වූ මහින්ද අමරවීර අමාත්යවරයාද ජාතික සභාවට සහභාගි වී තිබෙනවා.
මේ අතර ‘ජාතික සභාවේ’ මංගල රැස්වීමේදී ජාතික ප්රතිපත්ති සහ ආර්ථික ස්ථායීකරණයට අදාළ අනුකමිටු දෙකක් පිහිටුවීමට තීරණය කිරීම විශේෂත්වයක්.
කෙටි, මධ්යම සහ දීර්ඝ කාලීන ජාතික ප්රතිපත්ති සම්පාදනය කිරීම සඳහා මඟ පෙන්වීමට අදාළව පාර්ලිමේන්තුවේ පොදු ප්රමුඛතා නියම කිරීමට මෙන්ම ආර්ථික ස්ථායීකරණයට අදාළ කෙටි සහ මධ්ය කාලීන පොදු අවම වැඩසටහන් සම්බන්ධයෙන් එකඟතාව ඇති කර ගැනීම මෙම අනුකමිටු පිහිටුවීමේ අරමුණයි.
මෙම රැස්වීමට අග්රාමාත්ය දිනේෂ් ගුණවර්ධන, සභානායක අමාත්ය සුසිල් ප්රේමජයන්ත, ආණ්ඩු පක්ෂයේ ප්රධාන සංවිධායක අමාත්ය ප්රසන්න රණතුංග සහ අසංක නවරත්න, ජීවන් තොන්ඩමන්, සිසිර ජයකොඩි, නාමල් රාජපක්ෂ, ජොන්ස්ටන් ප්රනාන්දු, සාගර කාරියවසම්, අලි සබ්රි රහීම්, රෝහිත අබේගුණවර්ධන, වජිර අබේවර්ධන, ටිරාන් අලස්, ශිවනේෂතුරෙයි චන්ද්රකාන්තන් හෙවත් පිල්ලයාන් ඇතුළු පාර්ලිමේන්තු මන්ත්රීවරු රැසක්ද පාර්ලිමේන්තු මහ ලේකම් ධම්මික දසනායක මහතාද සහභාගී වුණා.
රටේ සියලු දේශපාලන පක්ෂ එක් වී ජාතික ප්රතිපත්ති සම්පාදනයට ප්රමුඛතාවය ලබා දෙමින් කටයුතු කිරීම අරමුණු කරගනිමින් මෙම ජාතික සභාව ස්ථාපිත කෙරුණු අතර මේ වන විටත් පාර්ලිමේන්තුව නියෝජනය කරන ප්රධාන පක්ෂ 3ක් ඉන් ඉවත් වී සිටීම හේතුවෙන් අදාළ අරමුණු නැවත අභියෝගයට ලක් ව තිබෙනවා.
අත නොහැර කියවන තැන
මහජන ආරක්ෂක අමාත්යධුරය ෆොන්සේකාට – දුන්නොත් භාරගන්නවා ඉල්ලන්න අයිතියක් නෑ ෆොන්සේකා කියයි
ආණ්ඩුවේ ආයතනයකින් විමල්ගේ “සඳේ ගින්දර” නිවන්න හදලා – නිවන්න දෙන්නේ නෑ, වෙන තැනක සිට අවුලුවන බව කියයි – බාධා කළ අයට නීති මාර්ගයෙන් පියවර
මාධ්යවේදීයෙකු පැහැරගෙන ගොස් මරා දැමීමට තැත්කළ බවට සැක හිටපු හමුදා බුද්ධි නිලධාරීන් දෙදෙනෙකු අත්අඩංගුවට