ජනතාව පීඩාවට පත් වන්නේ නම් නීතිය රැකීමෙන් ඵලක් නොවන බව ජනාධිපති ගෝඨාභය රාජපක්ෂ මහතා පවසනවා.
ජනාධිපතිවරයා මේ අදහස් පළකලේ ඵෙතිහාසික රුහුණු කතරගම මැණික් නදිය අසල පසුගියදා (22) පැවැති ‘සුරකිමු ගංගා’ ජාතික වැඩසටහනේ සමාරම්භක උත්සවයට එක්වෙමින්.
ජනතාව තළා පෙළා නීතිය රැකීමෙන් පලක් නොවන බවත් නීති ගෙනැවිත් තිබෙන්නේ නිලධාරීන්ට මාර්ගෝපදේශන සඳහා පමණක් බවත් ජනාධිපති ගෝඨාභය රාජපක්ෂ මහතා මෙහිදී සඳහන් කළා.
නීති ක්‍රියාත්මක කිරීමේ දී අප වැඩ කරන්නේ කාටද යන්න සම්බන්ධයෙන් අවධානය යොමු කළ යුතු බවද අප වැඩ කරන්නේ ජනතාව වෙනුවෙන් බවද අවධාරණය කළ ජනාධිපතිවරයා සියලු දෙනා ප්‍රමුඛතාවය ලබා දිය යුත්තේ ජනතාවගේ අවශ්‍යතාවන් වෙනුවෙන් බවද සඳහන් කළා.
නීති ක්‍රියාත්මක කිරීමේ දී ප්‍රායෝගික විය යුතු බවද පෙන්වා දුන් ගෝඨාභය රාජපක්ෂ මහතා එසේ ප්‍රායෝගික නොවන්නේ නම් ඒවා ක්‍රියාත්මක කිරීමෙන් පලක් නොවන බවද සිහිපත් කළා.
ඇතැම් කණ්ඩායම් රටේ සිදුවන සියලු දේ සම්බන්ධයෙන් තමා වරදකරුවෙකු කිරීමට සැරසෙන බවත් පැවසු ජනාධිපතිතුමන්, තමන් කටයුතු කරන්නේ ජනතවගේ සුබසිද්ධිය උදෙසා පමණක් බවද අවධාරණය කළා.
මෙහිදී අදහස් දැක්වූ අමාත්‍ය මහින්ද අමරවීර මහතා සඳහන් කළේ ජනාධිපතිතුමා කතර ගමට පැමිණීම හේතුවන් හෙලිකොප්ටර් යානා ගොඩබෑමේ අරමුණින් කතරගම පූජා භුමියේ දැවැන්ත වන සංහාරයක් සිදුව ඇති බව පවසමින් පසුගිය දින වල ව්‍යාප්ත වූ තොරතුරු අසත්‍ය ඒවා බවයි.
About The Author
අත නොහැර කියවන තැන
මහජන ආරක්ෂක අමාත්‍යධුරය ෆොන්සේකාට – දුන්නොත් භාරගන්නවා ඉල්ලන්න අයිතියක් නෑ ෆොන්සේකා කියයි
ආණ්ඩුවේ ආයතනයකින් විමල්ගේ “සඳේ ගින්දර” නිවන්න හදලා – නිවන්න දෙන්නේ නෑ, වෙන තැනක සිට අවුලුවන බව කියයි – බාධා කළ අයට නීති මාර්ගයෙන් පියවර
මාධ්‍යවේදීයෙකු පැහැරගෙන ගොස් මරා දැමීමට තැත්කළ බවට සැක හිටපු හමුදා බුද්ධි නිලධාරීන් දෙදෙනෙකු අත්අඩංගුවට