නියෝජ්ය කතානායක පත්කිරීම සදහා අද දින (05) පාර්ලිමේන්තුවේ පැවැත් වූ ඡන්ද විමසීමේදී හිටපු නියෝජ්ය කතානායක රංජිත් සියඹලාපිටිය මන්ත්රීවරයා වැඩි ඡන්ද 83 නැවත් වතාවක් තේරී පත් විය. ඔහුගේ ප්රතිවාදී අපේක්ෂකයා වූ ඉමිතියාස් බාකිර් මාකර් මන්ත්රීවරයාට ලබා ගත හැකි වූයේ ඡන්ද 65 ප්රමාණයකි.
නියෝජ්ය කතා නායක වරයකු තෝරා ගන්නා ලෙස කතානායක වරයා දැනුම් දුන් අවස්තාවේදී ශ්රී ලංකා නිදහස් පක්ෂයේ මන්ත්රී නිමල් සිරිපාල ද සිල්වා නියෝජ්ය කතානායකවරයා ලෙස ශ්රී ලංකා නිදහස් පක්ෂ මන්ත්රී රංජිත් සියඹලාපිටියගේ නම යෝජනා කළේය. ඒ යෝජනාව සුසිල් ප්රෙමජයන්ත් මන්ත්රීවරයා සම්මත කළ අතර මහාචාර්ය ජී එල් පීරිස් ඊට ආණ්ඩුපක්ෂයේ සහය ලබා දෙන බව පැවසීය.
ආණ්ඩුවේ සහය රංජිත් සියඹලාපිටියට ලැබෙන බව පැවසීමත් සමගම සමගි ජනබලවේගයේ මහ ලේකම් පාර්ලිමේන්තු මන්ත්රී රංජිත් මද්දුමබණ්ඩාර සජබ මන්ත්රී ඉමිතියාස් බාකිර්මාකර් නියෝජ්ය කතානායක ධුරයට යෝජනා කළේය. එම යෝජනාව විපක්ෂයේ සංවිධායක ලක්ෂ්මන් කිරිඇල්ල මන්ත්රීවරයා සම්මත කරන ලදී. ඒ අනුව කතානායක වරයා තවත් නම් තිබේ දැයි විමසූ අතර තවත් නම් ඉදිරිපත් නොවූ බැවින් නියෝජ්ය කතානායකවරයා ඡන්ද විමසීමක් ප්රකාශ කළේය. ඒ අනුව නියෝජ්ය කතානායක වරයා තෝරා පත් කර ගැනීමට ඡන්ද විමසීමක් සිදු කරන ලදී,
රංජිත් සියඹලාපිටිය මන්ත්රීවරයා මීට ප්රථම නියෝජ්ය කතානායක ලෙස කටයුතු කළ අතර ශ්රී ලනිපය ආණ්ඩුවෙන් ඉවත්ව ස්වාධීනව කටයුතු කිරීමට තීන්දු කිරීමත් සමගම ඔහු එම ධුරයෙන් ඉල්ලා අස්විය.
අත නොහැර කියවන තැන
සෙනඟ 3000 ක පැකේජයක් ලක්ෂ 45 – පක්ෂයේ පාටින් ඇඳුම් අන්දා එවයි
රනිල්ට උදව් කරන්නැයි ගෝටා මට කතා කර කිව්වා – මේ ගහන ගේම් ජනතාව හොදින් අවබෝධ කරගන්න
රනිල් කරපු දෙයක් නෑ – ඔහු මහා කුමන්ත්රණකරුවෙක් – රනිල්ගේ එකම ප්රතිපත්තිය “රනිල්” – 21 නාමල්ටත් පැරදිලා ගෙදරම යනවා