ප්‍රශ්න පත්‍ර මුද්‍රණයට අවශ්‍ය කඩදාසි නොමැති වීම නිසා කල් දැමීමට සැලසුම් කල බස්නාහිර පළාතේ වාර විභාග පෙර පරිදිම පැවැත්වීමට තීරණය කර තිබෙනවා.
ඒ අනුව බස්නාහිර පළාතේ පාසල් වාර විභාගය ලබන 29වනදා සිට කාණ්ඩ 3කින් පැවැත්වීමට තීරණය කර තිබෙන බවයි අධ්‍යාපන අමාත්‍යාංශය පවසන්නේ.
අමාත්‍යාංශ ලේකම් මහාචාර්ය කපිල පෙරේරා මහතා පැවසුවේ, ඒ අනුව බස්නාහිර පළාතේ 11 වන ශ්‍රේණි සඳහා පළාත් මට්ටමිනුත්, 9 සහ 10 ශ්‍රේණි කලාප මට්ටමින් සහ 6, 7 සහ 8 ශ්‍රේණී සඳහා පාසල් මට්ටමිනුත් වාර විභාග පැවැත්වීමට නියමිත බවයි.
සෙසු පළාත්වල වාර විභාග පැවැත්වීමට ඒ, ඒ පළාත් මට්ටමින් කිසිදු බාධාවකින් තොරව සිදු කරන බව, මේ වනවිට දැනුම් දී ඇති බව අමාත්‍යාංශ ලේකම්වරයා සඳහන් කළා.
අධ්‍යාපනයට අවශ්‍ය කඩදාසි සපයා ගැනීමේ යම් ගැටලුවක් වෙතොත් ඉන්දීය ණය පහසුකම යටතේ එම කටයුතු සම්පුර්ණ කිරීමට ජනාධිපති ලේකම්වරයා මේ වනවිටත් එකඟ වී ඇතැයිද අධ්‍යාපන ලේකම්වරයා සදහන් කළා.
About The Author
අත නොහැර කියවන තැන
මහජන ආරක්ෂක අමාත්‍යධුරය ෆොන්සේකාට – දුන්නොත් භාරගන්නවා ඉල්ලන්න අයිතියක් නෑ ෆොන්සේකා කියයි
ආණ්ඩුවේ ආයතනයකින් විමල්ගේ “සඳේ ගින්දර” නිවන්න හදලා – නිවන්න දෙන්නේ නෑ, වෙන තැනක සිට අවුලුවන බව කියයි – බාධා කළ අයට නීති මාර්ගයෙන් පියවර
මාධ්‍යවේදීයෙකු පැහැරගෙන ගොස් මරා දැමීමට තැත්කළ බවට සැක හිටපු හමුදා බුද්ධි නිලධාරීන් දෙදෙනෙකු අත්අඩංගුවට