කුමාර වෙල්ගම මහතාගේ නායකත්වයෙන් පිහිටුවන ලද නව ලංකා නිදහස් පක්ෂයට ආසන සංවිධායක සහ දිස්ත්‍රික් සංවිධායකවරුන් පත්කිරීම හිටපු ජනාධිපති චන්ද්‍රිකා කුමාරතුංග මහත්මියගේ ප්‍රධානත්වයෙන් ආරම්භ කිරීමට සැලසුම් කර ඇති බව මාධ්‍ය වාර්තා කර තිබෙනවා.
පක්ෂ නායක කුමාර වෙල්ගම මහතා සඳහන් කළේ ගම්පහ දිස්ත්‍රික්කයේ පක්ෂ නායකත්වය චන්ද්‍රිකා කුමාරතුංග මහත්මියත්, කොළඹ දිස්ත්‍රික්කයේ නායකත්වය ජීවන් කුමාරතුංග මහතා සහ කළුතර දිස්ත්‍රික්කයේ නායකත්වය තමා විසින් දරන බවයි.
හිටපු ජනාධිපති චන්ද්‍රිකා බණ්ඩාරනායක සහ ප්‍රකට දේශපාලන නායකයෙකු සහ රංගන ශිල්පියෙකු වූ දිවංගත විජය කුමාරතුංගමහතාගේ පුත් විමුක්ති කුමාරතුංග මහතා අත්තනගල්ල ආසන සංවිධායක ලෙස පත් කිරීමට සූදානමින් සිටින බවද කුමාර වෙල්ගම මහතා විසින් සඳහන් කර ඇති බවයි පැවසෙන්නේ.
මීට අමතරව දැනට පාර්ලිමේන්තුවේ මන්ත‍්‍රීවරුන් කිහිප දෙනෙකු ද තම පක්ෂය සමග එක්වීමට නියමිත බව ඔහු පැවසීය.
විමුක්ති කුමාරතුංග මහතා කීර්තිමත් පශු වෛද්‍යවරයෙකු වන අතර ශ්‍රී ලංකාවෙන් පිට ජීවත්වනවා.
අවස්ථා කිහිපයකදී ශ්‍රී ලංකාවේ දේශපාලනයට ඔබ පැමිණෙනවාද යන්න විමසු විට ඒ සඳහා ඔහුගේ ප්‍රතිචාරය වී තිබුණේ ” විශ්වාස කරන්න මම පශු වෛද්‍ය වරයෙක් ලෙස ජීවත් වනවා, මම වඩා ප්‍රියකරන්නේ ඒ වෙනුවෙන් කැප වීමටයි ” යන්නයි.
විමුක්ති කුමරතුංග මහතා උරගයන් පිළිබඳ ඉදිරිපත් කළ වාර්තා වැඩසටහනක් පහළින්..
About The Author
අත නොහැර කියවන තැන
මහජන ආරක්ෂක අමාත්‍යධුරය ෆොන්සේකාට – දුන්නොත් භාරගන්නවා ඉල්ලන්න අයිතියක් නෑ ෆොන්සේකා කියයි
ආණ්ඩුවේ ආයතනයකින් විමල්ගේ “සඳේ ගින්දර” නිවන්න හදලා – නිවන්න දෙන්නේ නෑ, වෙන තැනක සිට අවුලුවන බව කියයි – බාධා කළ අයට නීති මාර්ගයෙන් පියවර
මාධ්‍යවේදීයෙකු පැහැරගෙන ගොස් මරා දැමීමට තැත්කළ බවට සැක හිටපු හමුදා බුද්ධි නිලධාරීන් දෙදෙනෙකු අත්අඩංගුවට