නවතම පුවත්

ජනපති ඇගමැති එකවර ඉවත් වන්න එපා : ජනතා ප්‍රශ්න වැඩිවෙයි – විග්නේශ්වරන් අනතුරු අඟවයි

ශ්‍රී ලකාව තුල පවතින වත්මන් වාතාවරනය හමුවේ ජනාධිපති සහ අග්‍රාමාත්‍යවරයා එකවර ඉවත් වුවහොත් ජනතාවගේ ප්‍රශ්න තවත් වැඩිවනු ඇතැයි හිටපු උතුරු පලාත් ප්‍රධාන අමාත්‍ය දෙමළ ජනතා පක්ෂයේ නායක පාර්ලිමේන්තු මන්ත්‍රී සී.වී.විග්නේශ්වරන් මහතා පවසනවා.

විග්නේශ්වරන් මහතා මේ බව පවසා සිටියේ මන්ත්‍රීවරයාගේ යාපනයේ පිහිටි පක්ෂ කාර්යාලයේදී ඊයේ (12) පැවතී මාධ්‍ය සාකච්ඡාවකට සහභාගී වෙමින්.

එහිදී වැඩිදුරටත් අදහස් දැක්වී විග්නේෂ්වරන් මහතා සඳහන් කළේ,

‘විපක්ෂයේ පක්ෂ සියල්ල එකට එකතුවෙලා සර්ව පාක්ෂික ආණ්ඩුවක් සාදාගත යුතුයි. ඒ වගේම ආණ්ඩුව හදන්න යන්නේ මොනවගේ ප්‍රතිපත්තිවලින්ද කියන එකත් වැදගත් වෙනවා.

‘අපි දන්නවා ප්‍රධාන බලතල ජනාධිපති, අගමැති සහ කතානායක යන අයට පිළිවෙලින් පවතින බවට. නමුත් රටේ දැන් පවතින තත්වය මත ජනාධිපති සහ අගමැති යන දෙදෙනාම එකවර ඉවත්වීම මත රටතුල ප්‍රශ්න තවදුරටත් වැඩිවිය හැකියි. ඒ නිසා පළමුවෙන් එක් අයෙකු ඉවත් වී පසුව අලුත් ආණ්ඩුවක් බලයට ආපසු අනිත් කෙනා ඉවත්ව යන එක සුදුසුයි කියලයි මගෙනම් මතය’