පසුගිය පළාත් පාලන ආයතන ඡන්ද විමසීමේ දී එක්සත් ජාතික පක්ෂය නියෝජනය කරමින් පළාත් පාලන ආයතන සඳහා තේරී පත් වූ මන්ත්‍රීවරුන් 2020 මහ මැතිවරණයේදී සමගි ජන බලවේගය පක්ෂයට සහාය ලබාදීම හේතුවෙන් ඔවුන් එම මන්ත්‍රී ධුරවලින් ඉවත් කිරීමට එක්සත් ජාතික පක්ෂය පසුගියදා කටයුතු කරනු ලැබුවා.
ඒ අදාළ කටයුත්ත සඳහා ලැබුණු අධිකරණ නියෝගයක් ද යොදා ගනිමින්.
එසේ ඉවත් කරන ලද මන්ත්‍රීවරුන්ගෙන් පුරප්පාඩු මන්ත්‍රීධූර සඳහා නවක මන්ත්‍රීවරුන් 74 දෙනෙකු ඊයේ (29) දිනයේ දී පත් කරනු ලැබුවේ එක්සත් ජාතික පක්ෂ නායක පාර්ලිමේන්තු මන්ත්‍රී රනිල් වික්‍රමසිංහ මහතාගේ මූලිකත්වයෙන් සිරිකොත පක්ෂ මූලස්ථානයේ පැවති උත්සවයකදීයි.
කෙසේ වෙතත් මෙම සිද්ධිය සම්බන්ධයෙන් සමගි ජන බලවේගය පක්ෂයේ සභාපති ෆීල්ඩ් මාෂල් සරත් ෆොන්සේකා මහතා පසුගියදා පැවැති මාධ්‍ය සාකච්ඡාවේදී අදහස් පළ කළා.
ඔහු සඳහන් කළේ එක්සත් ජාතික පක්ෂය විසින් ඉවත් කරන ලද්දේ මහජන පදනමක් සහිතව ඡන්දයෙන් තේරී පත්වූ මහජන නියෝජිතයින් පිරිසක් බවයි.
ඒ වෙනුවට ඔවුන් පත්කර ඇත්තේ පසුගිය පළාත් පාලන ආයතන ඡන්ද විමසීමේ දී පරාජයට පත්වූ පුද්ගලයන් බවද ඔහු සඳහන් කළා.
පළාත් පාලන ආයතනවල කාල සීමාව තවත් මාස හතකින් පමණ අවසන් වන බවත් එම කාල සීමාව තුළ වැටුප් ලබමින් අදාළ පුද්ගලයින් චූන් එකක් ගත්තාට කමක් නැතැයි කී සරත් ෆොන්සේකා මහතා ඉදිරියේදී පැවැත්වෙන පළාත් පාලන ආයතන ඡන්ද විමසීමේ දී ඡන්ද දායකයින් විසින් ඊට අදාළ ප්‍රතිචාරය ලබා දෙනු ඇති බව ද සදහන් කළා.
About The Author
අත නොහැර කියවන තැන
මහජන ආරක්ෂක අමාත්‍යධුරය ෆොන්සේකාට – දුන්නොත් භාරගන්නවා ඉල්ලන්න අයිතියක් නෑ ෆොන්සේකා කියයි
ආණ්ඩුවේ ආයතනයකින් විමල්ගේ “සඳේ ගින්දර” නිවන්න හදලා – නිවන්න දෙන්නේ නෑ, වෙන තැනක සිට අවුලුවන බව කියයි – බාධා කළ අයට නීති මාර්ගයෙන් පියවර
මාධ්‍යවේදීයෙකු පැහැරගෙන ගොස් මරා දැමීමට තැත්කළ බවට සැක හිටපු හමුදා බුද්ධි නිලධාරීන් දෙදෙනෙකු අත්අඩංගුවට