වත්මන් රජය බලයට පත් වී ගෙවුණු වසරක කාලය තුළ සිදු වූ ආන්දෝලනාත්මක අපරාධ සිදු කළ අපරාධකරුවන් කිසිවකු මෙතෙක් අත්අඩංගුවට ගෙන නොමැත.
මොරටුව, සොයිසාපුර ප්‍රදේශයේ හෝටල් හිමිකරුවකුගෙන් කප්පම් ඉල්ලා එය නොදීම හේතුවෙන් හෝටලයට වෙඩි තැබූ සිද්ධියේ ප්‍රධාන සැකකරුවන් මෙතෙක් අල්ලාගෙන නැති අතර, අපරාධයට යොදා ගත් සැබෑ ගිනි අවිය පවා මෙතෙක් අත්අඩංගුවට ගෙන නොමැත.
‘එස්. එෆ්. ලොක්කා’ නමින් ප්‍රසිද්ධව සිටි අපරාධකරු මහ මැතිවරණය පැවැති දිනයේ දී අනුරාධපුර ප්‍රදේශයේ දී ඝාතනය කළ අතර, එහි පරීක්ෂණ පවා මේ වන විට නැවතී තිබේ. පොලිසිය භාරයේ සිටිය දී හෙරොයින් තොගයක් අල්ලා ගැනීමට රැගෙන ගිය ප්‍රධාන පෙළේ අපරාධකරුවකු වූ මාකඳුරේ මධුෂ් තවත් පාර්ශ්වයක වෙඩි ප්‍රහාරයකින් මිය ගිය බව පොලිසිය ප්‍රකාශ කළේ ය.
එම අපරාධ කණ්ඩායම ද අත්අඩංගුවට ගැනීමට සමත් වී නැත.
මොරටුව ප්‍රදේශයේ දී මහ දවල් වෙඩි තැබීමෙන් ධීවර ව්‍යාපාරිකයකු ඝාතනය වූ අතර එහි ප්‍රධාන සැකකරුවන් ද මෙතෙක් අත්අඩංගුවට ගෙන නැත. පොල්දූව ආරණ්‍යයේ වැඩවාසය කරමින් සිටිය දී රත්ගම කලපුවේ ගිලී අපවත් වූ නෙදර්ලන්තයේ ජිනවංශ හිමිගේ මරණය සම්බන්ධයෙන් ද මෙතෙක් නිසි තොරතුරක් හෙළිව නැත.
ලංකාවේ අපරාධ සම්බන්ධයෙන් රතු නිවේදන නිකුත් කළ අපරාධකරුවන් කිහිප දෙනකු ම විදෙස් රටවල දී අත්අඩංගුවට පත් වුව ද, මේ රජය යටතේ ඔවුන් ලංකාවට ගෙන්වා ගැනීමට අපොහොසත් වී ඇත.
© උපුටාගැනීම – ලංකා නිවුස් වෙබ්
About The Author
අත නොහැර කියවන තැන
මහජන ආරක්ෂක අමාත්‍යධුරය ෆොන්සේකාට – දුන්නොත් භාරගන්නවා ඉල්ලන්න අයිතියක් නෑ ෆොන්සේකා කියයි
ආණ්ඩුවේ ආයතනයකින් විමල්ගේ “සඳේ ගින්දර” නිවන්න හදලා – නිවන්න දෙන්නේ නෑ, වෙන තැනක සිට අවුලුවන බව කියයි – බාධා කළ අයට නීති මාර්ගයෙන් පියවර
මාධ්‍යවේදීයෙකු පැහැරගෙන ගොස් මරා දැමීමට තැත්කළ බවට සැක හිටපු හමුදා බුද්ධි නිලධාරීන් දෙදෙනෙකු අත්අඩංගුවට