තමන්ට හිතවත් ධනපති ව්‍යාපාරිකයින්ට රජය විසින් රුපියල් කෝටි ගණනින් බදු සහන ලබාදීමට කටයුතු කර ඇති බව පවසන විපක්ෂ නායක සජිත් ප්‍රේමදාස මහතා පෙන්වා දෙන්නේ රජයට ගුරුවරුන්ගේ සාධාරණ වැටුප් ඉල්ලීම්වලට යම් ආකාරයකින් හෝ ප්‍රතිචාරයක් දැක්වීමට නොහැකි වීම සම්බන්ධයෙන් තමන්ට ප්‍රශ්නයක් මතුවන බවයි.
ගුරුවරුන්ගේ වැටුප් ඉල්ලීම් හමුවේ රජය විසින් මුදල් නොමැති තත්වයක් ඇති බව පවසන නමුත් එවැනි තත්වයක් ඇතිවන බව දැන දැනත් ආණ්ඩුවට හිතවත් මහා පරිමාණ ව්‍යාපාරිකයින්ට රුපියල් කෝටි ගණනින් විශාල බදු සහන ලබාදෙමින් ආදායම අහිමි කරගත් ආණ්ඩුව අද වන විට සිදුකරන ප්‍රකාශයන් ගැටළු සහගත බව ද විපක්ෂ නායකවරයා සඳහන් කළා.
2020 වසරේ දෙසැම්බර් මාසයේදී ගුරුවරුන් සඳහා අමතර දීමනාවක් ලබාදීම වෙනුවෙන් මහා භාණ්ඩාගාරය හරහා මුදල් වෙන්කර ගැනීමට හැකිවූ බව අධ්‍යාපන අමාත්‍ය මහාචාර්ය ජී එල් පීරිස් මහතා පාර්ලිමේන්තුවේදී සිදු කළ ප්‍රකාශය හැන්සාඩ් වාර්තා උපුටා දක්වමින් විපක්ෂ නායක සජිත් ප්‍රේමදාස මහතා ප්‍රශ්න කළේ අදාල දීමනාව හෝ ලබාදීමට රජය කටයුතු නොකරන්නේ ඇයිද ලෙසයි.
කොරෝනා අවදානම හමුවේ ගුරුවරුන් පාසලට ගෙන ඒමට ගත් තීරණය පිළිබඳව ද ප්‍රශ්න කළ විපක්ෂනායකවරයා අවධාරණය කළේ රජය වහා සංවේදීවෙමින් ගුරු වැටුප් ගැටලුව විසඳීම සඳහා කටයුතු කළ යුතු බවයි.
About The Author
අත නොහැර කියවන තැන
මහජන ආරක්ෂක අමාත්‍යධුරය ෆොන්සේකාට – දුන්නොත් භාරගන්නවා ඉල්ලන්න අයිතියක් නෑ ෆොන්සේකා කියයි
ආණ්ඩුවේ ආයතනයකින් විමල්ගේ “සඳේ ගින්දර” නිවන්න හදලා – නිවන්න දෙන්නේ නෑ, වෙන තැනක සිට අවුලුවන බව කියයි – බාධා කළ අයට නීති මාර්ගයෙන් පියවර
මාධ්‍යවේදීයෙකු පැහැරගෙන ගොස් මරා දැමීමට තැත්කළ බවට සැක හිටපු හමුදා බුද්ධි නිලධාරීන් දෙදෙනෙකු අත්අඩංගුවට