රටම අනතුරේ දමා සාක්කු පුරවා ගැනීමට යන පුද්ගලයින් නිසා රටම ගඳ ගැස්සෙන ලකුණු
චීන අසූචි නැව ලෙස සමාජයේ කතා බහට ලක්වන අහිතකර බැක්ටීරියා අඩංගු බව විද්‍යාත්මකව තහවුරු කරගත් නෞකාව මේ වන විට හම්බන්තොට වාරයේ ගොඩබෑමට සුදානම් වන බවට තොරතුරු වාර්තා වී තිබෙනවා.
නැවේ අලුත් වැඩියාවක් හෝ කියා හම්බන්තොට වරායට ඇතුල් කර පොහොර හොග්‍ය ගොඩ බෑමේ සුදානමක් ඇති බවද වාර්තා වනවා.
නම වෙනස් කරමින් අතුරුදන් වෙමින් කට්ටි පනිමින් ජාත්‍යන්තර නාවුක නීති රීති පවා අභියෝගයට ලක් කරමින් හොරගල් අහුලන චීන Hippo Sprit නම් අදාළ නෞකාව මේ වන විට හම්බන්තොට වරායට නුදුරු මුහුදේ නැංගුරම්ලා තිබෙනවා.
ඒ යම් මොහොතක එම පොහොර තොගය ගොඩ බෑමේ අරමුණින් යුක්තවයි.
අගමැතිවරයාගේ අවසන් තීරණය
පසුගියදා න තානාපතිවරයා සමග පැවති සාකච්ඡාවේදී අග්‍රාමාත්‍ය මහින්ද රාජපක්ෂ මහතා අදාල තොගය තුන්වන පාර්ශ්වයක් හරහා පරීක්ෂාවට ලක් කොට එහි ගැටලුවක් නොමැති නම් රට බාර ගැනීම සඳහා එකගත්වය පළ කර ඇති බව මාධ්‍ය ඔස්සේ වාර්තා වුණා.
කෙසේ වෙතත් අදාළ පොහොර තොගය පරික්ෂා කළ යුතු ආයතනය පවා නම් කර තිබෙන්නේ අදාල චීන පොහොර සමාගම විසින් බවයි වාර්තා වන්නේ.
ඒ තුළ ද මතුවන්නේ බරපතල ගැටළුවක්.
මහජන බැංකුවට මුදල් ගෙවීමට සිදුවන ලකුණු
චීනයෙන් ආනයනය කර ඇති පොහොර තොගය සඳහා අනිවාර්යෙන්ම මුදල් ගෙවීමට සිදුවන බව මහජන බැංකුවේ සාමාන්‍යාධිකාරි රංජිත් කොඩිතුවක්කු මහතා සඳහන් කරන්නේ මේ අතරතුරයි.
එසේ ගෙවිය යුතු මුදල ඩොලර් මිලියන 09ක් වන බවයි වාර්තාවන්නේ.
අදාළ මුදල නිදහස් නොකිරීම නිසා චීනය විසින් මේ වන විට ශ්‍රී ලංකා මහජන බැංකුව අසාධු ලේඛන ගත කර තිබෙනවා.
විවෘත කරන ලද ණයවර ලිපි වලට මුදල් නිදහස් කිරීමට නොහැකිව ඇත්තේ අධිකරණය මගින් පැනවූ වාරණ නියෝගයක් හේතුවෙන් වන අතර අදාළ වාරණ නියෝගයද දිගු කලක් නොපවතිනු ඇති බව මහජන බැංකුවේ සාමාන්‍යාධිකාරිවරයා පවසනවා.
ඔහු පවසන්නේ අදාළ ගණුදෙනුවට හේතුවෙන් මහජන බැංකුව අසාදු ලේඛන ගත කර තිබුණ ද බැංකුව අත කිසිදු වරදක් නොමැති බවයි.
පොහොර සංස්ථාවේ ලොක්කන්ගේ කෙරුවාව
රසායනාගාරය පරික්ෂා කිරීම් වලින් තොරව අදාළ පොහොර තොගය මිලදී ගැනීම සඳහා ණයවර ලිපි විවෘත කර තිබෙනවා.
ඒ අනුව පොහොර තොගය කුමක්ද මුදල් නිදහස් කිරීමට මහජන බැංකුවට සිදුව තිබෙනවා.
වගකීම විරහිතව නොව සැලසුම් සහගත ලෙස නිරෝධායන නීති පවා උල්ලංඝනය කරමින් සිදු කර ඇති මෙම ක්‍රියාව හේතුවෙන් රටට අහිමි වීමට යන මුදල ඩොලර් මිලියන 9ක්.
එය ආසන්න වශයෙන් රුපියල් කෝටි 183කට වැඩි මුදලක්.
මෙය සැබවින්ම වංචනික ගනුදෙනුවක්.
අහිතකර පොහොර පසට එකතු වුණොත් මිල කළ නොහැකි හානියක්
එමෙන්ම මෙම පොහොර තොගය මෙරට ඡෛව පද්ධතියට එකතු වුවහොත් සිදුවන පාරිසරික සහ ජෛව හානිය ගණනය කිරීමට නොහැකි වනු ඇති බව ක්ෂේත්‍රයේ විද්වතුන් රැසක් පෙන්වා දෙනවා.
ඔවුන් පෙන්වා දෙන්නේ දිගු කාලීන අස්වනු හානිය ඇතිවීමට පස නිසරු වීමට ද මෙය බලපෑමක් ඇති කළ හැකි බවයි.
එමෙන්ම අහිතකර බැක්ටීරියා වර්ග නිසා සිදුවන හානිය එකවර තක්සේරු කිරීමට නොහැකි බවද ඔවුන් පෙන්වා දෙනවා.
මෙහි ඇති ගැටළුව වන්නේ දැනට සිදුකර ඇති රසායනාගාර පරීක්ෂණ හරහා හඳුනාගත් ජීවීන්ට අමතරව තවත් අහිතකර ජීවීන් රැසක් මෙම පොහොර තොගයේ අඩංගු විය හැකි බවට මේ වන විට සැක මතුව තිබීමයි.
About The Author
අත නොහැර කියවන තැන
මහජන ආරක්ෂක අමාත්‍යධුරය ෆොන්සේකාට – දුන්නොත් භාරගන්නවා ඉල්ලන්න අයිතියක් නෑ ෆොන්සේකා කියයි
ආණ්ඩුවේ ආයතනයකින් විමල්ගේ “සඳේ ගින්දර” නිවන්න හදලා – නිවන්න දෙන්නේ නෑ, වෙන තැනක සිට අවුලුවන බව කියයි – බාධා කළ අයට නීති මාර්ගයෙන් පියවර
මාධ්‍යවේදීයෙකු පැහැරගෙන ගොස් මරා දැමීමට තැත්කළ බවට සැක හිටපු හමුදා බුද්ධි නිලධාරීන් දෙදෙනෙකු අත්අඩංගුවට